6న టీజేఎస్‌ పార్టీ ప్లీనరీ
నవతెలంగాణ-ఓయూ
ఈనెల 6న జరిగే తెలంగాణ జన సమితి(టీజేఎస్‌) పార్టీ ప్లీనరీని విజయవంతం చేయాలని విద్యార్థి జన సమితి ఆధ్వర్యంలో ఓయూ ఆర్ట్స్‌ కళాశాల ఎదుట బుధవారం గోడ పత్రికలను విడుదల చేశారు. ఈ సందర్భంగా విద్యార్థి జన సమితి రాష్ట్ర అధ్యక్ష, ప్రధాన కార్యదర్శి బాబుమహాజన్‌, మాసంపల్లి అరుణ్‌ కుమార్‌ మాట్లాడుతూ. ఈనెల 6న సంగారెడ్డిలో జరగునున్న టీజేఎస్‌ ప్లీనరీలో నిరుద్యోగ సమస్య, పంటల సాగు నీరు, విద్యావ్యవస్థ, వైద్యంపై చర్చ ఉంటుందని తెలిపారు. పార్టీ ప్రతినిధులు, శ్రేణులు హాజరు కావాలని కోరారు. రాష్ట్రం ఏర్పడి ఏడేండ్లు గడుస్తున్నా నిరుద్యోగులకు ఉద్యోగాలు ఇవ్వలేదని, రైతులకు రుణమాఫీ చేయలేదని, రైతుల పంటలకు నీరు అందించడంలో టీఆర్‌ఎస్‌ ప్రభుత్వం విఫలమైందని ఎద్దేవా చేశారు. రాబోయే రోజుల్లో రాష్ట్రవ్యాప్తంగా రైతుల మద్దతు కూడగట్టుకొని సాగు నీరు ఉద్యమం చేస్తామని తెలిపారు. కార్యక్రమంలో శేఖర్‌ యాదవ్‌, బాలెంల జీవన్‌, మేకల పవన్‌, గోపీ, రామకష్ణ, చైతన్య, కుమార్‌, శివ కుమార్‌, రమేష్‌ తదితరులు పాల్గొన్నారు.
