నవతెలంగాణ-బంజారాహిల్స్‌
రాజ్యాంగ నిర్మాత డాక్టర్‌ బిఆర్‌ అంబేద్కర్‌ జయంతిని పురస్కరించుకొని ఏప్రిల్‌ 14న ఎస్సీ, ఎస్టీ, బీసీ మైనార్టీ వర్గాలతో కలిసి శోభాయాత్ర నిర్వహించనున్నట్లు ఎస్సీ కార్పొరేషన్‌ మాజీ చైర్మెన్‌ పిడమర్తి రవి అన్నారు. సోమవారం సోమాజిగూడ ప్రెస్‌క్లబ్‌లో ఎస్సీ, ఎస్టీ, బీసీ మైనారిటీ వర్గాలకు చెందిన నాయకులతో కలిసి ఆయన మాట్లాడారు. దేశవ్యాప్తంగా వివక్షతకు గురవుతున్న వర్గాల్లో చైతన్యం నింపేందుకు రాజ్యాంగ నిర్మాత జయంతిని పురస్కరించుకొని ఈ మహా శోభాయాత్రను నిర్వహిస్తున్నట్లు తెలిపారు. 14న సాయంత్రం 4 గంటలకు బాగ్‌ లింగంపల్లిలోని సుందరయ్య పార్క్‌ నుంచి ట్యాంక్‌ బండ్‌ ఉన్న అంబేద్కర్‌ విగ్రహం వరకు ఈశోభాయాత్ర కొనసాగుతుందని తెలిపారు.