నవతెలంగాణ-జగద్గిరిగుట్ట
గాజులరామారం సర్కిల్‌ జగద్గిరిగుట్ట డివిజన్‌ పరిధిలోని రాజీవ్‌గృహకల్ప సముదాయంలో సీనియర్‌ టీఆర్‌ఎస్‌ నాయకులు ఎత్తరి మారయ్య తల్లి ఎత్తరి లక్ష్మమ్మ 5వ వర్ధంతి వేడుకలు నిర్వహించారు. ఈ కార్యక్రమానికి కుత్బుల్లాపూర్‌ ఎమ్మెల్యే కె.పి.వివేకానంద్‌ పాల్గొని మహిళలకు చీరలు పంపిణీ చేశారు. అనంతరం అనాథ పిల్లలకు క్వింటాల్‌ బియ్యం, పోచమ్మ ఆలయం వద్ద అన్నదాన కార్యక్రమాన్ని ప్రారంభించారు. ఈ సందర్భంగా ఎమ్మెల్యే మాట్లాడుతూ పేదలకు సేవా కార్యక్రమాలు చేసేందుకు ముందుకు రావడం అభినందనీయమన్నారు. కార్యక్రమంలో డివిజన్‌ టీఆర్‌ఎస్‌ అధ్యక్షులు రుద్ర అశోక్‌, సీనియర్‌ నాయకులు సయ్యద్‌ రషీద్‌, వేణు యాదవ్‌, ఇందిరాగౌడ్‌, మహేందర్‌, శశిధర్‌, సంతోష్‌, సాజిద్‌, ప్రభాకర్‌ తదితరులు పాల్గొన్నారు.
మీ స్నేహితులకు రికమెండ్ చెయ్యండి
