నవతెలంగాణ-జగద్గిరిగుట్ట
రంగారెడ్డినగర్‌ డివిజన్‌ రంగారెడ్డినగర్‌కు చెందిన మానస టూల్‌ టెక్ అధినేత, ఆత్మీయ భారతీ సాహిత్య సేవ సంస్థ అధ్యక్షులు, అభినవ కవి, పుడమి రత్న అవార్డు గ్రహీత వాకిటి రామ్‌రెడ్డి జలకవిరత్న పురస్కారాన్ని అందుకున్నారు. ప్రపంచ నీటి వారోత్సవాల సందర్భంగా తెలంగాణ జలమండలి, గాంధీ జ్ఞాన్‌ ప్రతిష్టాన్‌ సంయుక్త ఆధ్వర్యంలో ఎర్రగడ్డలోని మదర్‌ థెరిస్సా బాలికల పాఠశాలలో నిర్వహించిన జల కవితోత్సవంలో జల పరిరక్షణపై వాకిటి రామ్‌రెడ్డి పాడిన ఓ మానవుడా మేలుకో జల సంరక్షణ నీ ధ్యేయం చేసుకో పాటకు ముఖ్య అతిథిగా హాజరైన తెలంగాణ సాహిత్య అకాడమి చైర్మన్‌ జూలురి గౌరీ శంకర్‌ ప్రశంసించి శాలువాతో సత్కరించి జలకవిరత్న పురస్కారాన్ని అందజేశారు. ఈ కార్యక్రమంలో గాంధీ గ్లోబల్‌ చైర్మన్‌ గున్న రాజేందర్‌రెడ్డి, జలమండలి జీఎం గౌరీ శంకర్‌, నీటి పారుదల అధికారులు గాంధీ గ్లోబెల్‌ ప్రతినిధులు, గోపాల్‌జి, యానాల ప్రభాకర్‌రెడ్డి, గోనారెడ్డి తదితరులు పాల్గొన్నారు.
