నవతెలంగాణ-హిమాయత్‌నగర్‌
పెద్దల సంపూర్ణ సహకారంతో సుదీర్ఘ కాలంగా 22 ఉచిత వివాహ పరిచయ వేదికలు నిర్వహించి, వేల సంఖ్యలో పెండ్లిండ్లు జరగడానికి దోహదపడిన తెలంగాణ రాష్ట్ర పెరిక కుల సంఘం, వివాహ పరిచయ వేదిక, పొదుపు పరపతి సంఘం కన్వీనర్‌ సుంకరి ఆనంద్‌ నంది అవార్డు అందుకున్నారు. సామాజిక సేవా విభాగంలో రాష్ట్ర ప్రభుత్వ భాష, సాంస్కృతిక శాఖ సౌజన్యంతో శిఖరం ఆర్ట్‌ థియేటర్స్‌ వారు గురువారం న్యూఢిల్లీలోని తెలంగాణ భవన్‌, డా.బి.ఆర్‌.అంబేద్కర్‌ ఆడిటోరియంలో నిర్వహించిన కార్యక్రమంలో జాతీయ ఉగాది పురస్కార్‌, నంది అవార్డు-2022లను హర్యానా గవర్నర్ బండారు దత్తాత్రేయ చేతుల మీదుగా అందుకున్నారు. కార్యక్రమంలో ఐఆర్‌ఎస్‌ ప్రీత హరిత్‌, న్యూఢిల్లీ కరోల్‌ భాగ్‌ శాసన సభ్యులు విశేష్‌ రవి, శిఖరం ఆర్ట్‌ థియేటర్స్‌ అధినేత శ్రీకృష్ణ, తదితర అవార్డు గ్రహీతలు పాల్గొన్నారు.
మీ స్నేహితులకు రికమెండ్ చెయ్యండి
