నవతెలంగాణ-మేడ్చల్‌ కలెక్టరేట్‌
       దళితుల కోసం పనిచేసినందుకుగాను దళిత రత్న అవార్డులు రావడం చాలా సంతోషమని కీసర మండలానికి చెందిన మొరుగు ముత్యాలు, చుక్క పురం శ్రీరాములు, ఎడ్ల బాలయ్యలు అన్నారు.భారత తొలి ఉప ప్రధాన బాబు జగ్జీవన్‌రామ్‌ జయంతి ఉత్సవాల సందర్భంగా రాష్ట్ర ప్రభుత్వం తరఫున సాంఘిక సంక్షేమశాఖ ఆధ్వర్యంలో రవీంద్రభారతిలో ఏర్పాటు చేసిన కార్యక్రమంలో ఎమ్మార్పీఎస్‌ అధ్యక్షులు మేడి పాపయ్య మాదిగ, దళిత సేన వ్యవస్థాపకులు జిబిజ రాజు సమక్షంలో కీసర మండలానికి చెందిన మొరుగు ముత్యాలు, చుక్క పురం శ్రీరాములు, ఎడ్ల బాలయ్యకు దళిత రత్న అవార్డులను ప్రదానం అధికారులు ప్రదానం చేశారు. ఈ కార్యక్రమంలో రాష్ట్ర అంబేద్కర్‌ సంఘం సీనియర్‌ నాయకులు మీసాల మల్లేశ్‌, బక్కని నర్సింలు రావు పాల్గొన్నారు.