నవతెలంగాణ-కాప్రా
ఈసీఐఎల్‌ వెల్ఫేర్‌ ఫండ్‌ కమిటీ ఆధ్వర్యంలో 55వ వార్షికోత్సవం సందర్భంగా స్పోర్ట్స్‌ మీట్‌ ఘనంగా నిర్వహించారు. ఏరరోస్పేస్‌ ఈడీ బిబి నాయక్‌ ప్రారంభించారు. కార్మికులను, ఆఫీసర్లను ఉద్దేశించి మాట్లాడారు. 2021- 22 వార్షిక ఉత్పత్తిలో భాగస్తులై పని బడలికతో ఉన్నటువంటి ఉద్యోగులందరికీ ఊరటనిచ్చిందన్నారు. ఉత్సాహాన్ని నింపే ఇటువంటి స్పోర్ట్స్‌, కల్చరల్‌ ప్రోగ్రామ్స్‌ ఎంతో ఆనందాన్ని ఇస్తాయన్నారు. ఉద్యోగులందరూ స్పోర్ట్స్‌ అండ్‌ కల్చరల్‌ ప్రోగ్రామ్స్‌ లో పాల్గొన్నారు. ఈ కార్యక్రమంలో అనేక క్రీడలు, సాంస్కృతిక కార్యక్రమాలు నిర్వహిస్తున్నారు వాటన్నిటిలో ఈ.సి.ఐ.యల్‌ ఉద్వోగులందరు ఉత్సాహంగా పాల్గొంటున్నారు. కార్యక్రమంలో స్టాఫ్‌ అండ్‌ వర్కర్స్‌ యూనియన్‌ ప్రెసిడెంట్‌ భాస్కర్‌ రెడ్డి, జనరల్‌ సెక్రటరీ జి. వి. ఆర్‌. వి. ప్రసాద్‌, స్పోర్ట్స్‌ అడ్వైజర్‌, చంద్రశేఖర్‌ సి. మునికృష్ణ, ఎం.ఎస్‌ శేఖర్‌ బాబు, శ్రావారి దేవి, పి. వేణుబాబు, వై రాజా, కరుణానిధి, అరుణ్‌ బాబు, ఈసీఐఎల్‌ యూనియన్‌ నాయకులు, వివిధ అసోసియేషన్‌ల నాయకులు పాల్గొన్నారు.
