నవతెలంగాణ-హైదరాబాద్
ప్రేరణ ఫౌండేషన్‌ ఆధ్వర్యంలో మేడ్చల్‌ జిల్లా, కాప్రా మండలం, చర్లపల్లి ప్రభుత్వ ఉన్నత పాఠశాలలో పదో తరగతి విద్యార్థులకు స్టేషనరీ కిట్స్‌ పంపిణీ చేశారు. ఈ కిట్‌లో ఎగ్జామ్‌ ప్యాడ్‌, జామెంట్రీ బాక్స్‌, పెన్సిల్‌ పౌచ్‌ ఉన్నాయి. ఈ సందర్భంగా సంస్థ చైర్మెన్‌ శరత్‌ సుదర్శి మాట్లాడుతూ.. ప్రేరణ ఫౌండేషన్‌ అనాథ, పేద బాలబాలికలు ఎలాంటి ఆటంకాలు లేకుండా చదువు కోవాలనే లక్ష్యంతో పని చేస్తోందని, మహిళా సాధికారత కోసం అనేక కార్యక్రమాలు నిర్వహిస్తోందని తెలిపారు. విద్యార్థులు బాగా చదువుకుని ఉన్నత శిఖరాలు అధిరోహించాలని సూచించారు. విద్యార్థులకు స్టేషనరీ కిట్స్‌ అందజేసిన దాతలకు ధన్యవాదాలు తెలియజేశారు. మరిన్ని ప్రభుత్వ పాఠశాలల్లోని విద్యార్థులకు స్టేషనరీ కిట్స్‌ అందజేయాలని తమ ఫౌండేషన్‌ భావిస్తోందని, దాతలు ముందుకొచ్చి సహకరించాలని కోరారు. ఈ కార్యక్రమంలో పాఠశాల ప్రధానోపాధ్యాయులు శోభ, సంస్థ సభ్యులు ప్రవీణ్‌ కుమార్‌, సౌజన్యతో పాటు పాఠశాల ఉపాధ్యాయులు పాల్గొన్నారు.
