- జగద్గిరిగుట్ట సీఐ సైదులు
నవతెలంగాణ-జగద్గిరిగుట్ట
       పట్టుదలతో చదివితే భవిష్యత్తులో ఉన్నత శిఖరాలను చేరుకోవచ్చని జగద్గిరిగుట్ట సీఐ సైదులు విద్యార్థులకు సూచించారు. గురువారం గాజులరామరం డివిజన్‌ రావినారాయణ రెడ్డి నగర్‌లోని శ్రీ సంఘమిత్ర పాఠశాలలో జరిగిన వీడ్కోలు సమావేశంలో పాల్గొని విద్యార్థులను ఉద్దేశించి ప్రసంగించారు. విద్యార్థులు విద్య పాటు అన్ని రంగాల్లో నైపుణ్యాలను పెంపొందించుకోవాలని అన్నారు. ఎలాంటి చెడు అలవాట్లకు గురికాకుండా పట్టుదలతో చదివి ఉద్యోగాలను సంపాదించి తల్లిదండ్రులకు, గురువులకు మంచి పేరు తీసుకురావాలని కోరారు. ప్రముఖ శాస్త్రవేత్త ప్రొఫెసర్‌ సోమ సుందర్‌ మాట్లాడుతూ విద్యార్థులు శాస్త్రీయ విజ్ఞానాన్ని పెంపొందించుకొని సైన్సును తెలుసుకుంటే శాస్త్రవేత్తలుగా తప్పక అవుతారని, ప్రతి అంశాన్ని ప్రశ్నించే అలవాటును నేర్చుకోవాలని సూచించారు. అనంతరం విద్యార్థులకు బహమతులను ప్రదానం చేశారు. కార్యక్రమంలో ప్రిన్సిపాల్‌ ఈ. ఉమా మహేష్‌, నాయకులు డప్పు రామస్వామి, ప్రవీణ్‌ పాల్గొన్నారు.