నవతెలంగాణ-బాలానగర్‌
        కూకట్‌పల్లి సర్కిల్‌ బాలానగర్‌ డివిజన్‌ పరిధిలోని పలు ప్రాంతాలల్లో కార్పొరేటర్‌ శ్రీ ఆవుల రవీందర్‌రెడ్డి సూచన మేరకు మ్యాక్సి విజన్‌ మిషన్‌ కంటి ఆసుపత్రి ఆధ్వర్యంలో సోమవారం దామోదర సంజీవయ్య కాలనీలో ఉచిత కంటి పరీక్షల కేంద్రాన్ని కార్పొరేటర్‌ ఆవుల రవీందర్‌ రెడ్డి ముఖ్య అతిథిగా హాజరై ప్రారంభించారు. ఈ సందర్బంగా ఆయన మాట్లాడుతూ మ్యాక్సీవిజన్‌ ఆధ్వర్యంలో బాలానగర్‌ డివిజన్‌లో 26న రాజుకాలనీ, 27న బాలానగర్‌ వార్డు కార్యాలయం, 28న ఫిరోజ్‌ గూడ వార్డ్‌ కార్యాలయం, 29 వినాయక్‌ నగర్‌, మే1న ఇందిరా నగర్‌, శ్రీసాయి నగర్‌, 2న రాజీవ్‌ గాంధీ నగర్‌, 3న వినాయక్‌ నగర్‌, 4న చెరబండరాజు కాలనీలో ఒక్కోరోజు ఒక బస్తీలలో ఉచిత కంటి పరీక్షలతో పాటు ఊబర్గ్‌ డయాగస్టిక్‌ ఆధ్వర్యంలో ఉచితంగా బ్లడ్‌, షుగర్‌, బిపి.టెస్టులను చేస్తారని తెలిపారు. ఈ అవకాశాన్ని డివిజన్‌ ప్రజలందరూ సద్వినియోగం చేసుకోవాలని సూచించారు. ఈ కార్యక్రమంలో క్యాంపు ఆర్గనైజర్‌ రమేశ్‌, కో ఆర్డినేటర్‌ నవీన్‌, ఆప్టోమెర్టీస్‌ సత్యం తోపాటు స్థానిక నాయకులు సత్యనారాయణ, బాజని నాగేందర్‌ గౌడ్‌, ఎంఎస్‌.కుమార్‌, దేవులపల్లి కృష్ణమూర్తి, నర్రా దేవేందర్‌రెడ్డి, శ్రీనివాస్‌ ముదిరాజ్‌, ముత్యాల మురళీధర్‌, స్థానిక ప్రజలు పాల్గొన్నారు.