నవవతెలంగాణ-జగద్గిరిగుట్ట
            నేటి విద్యార్థులే భావితరాల మేధావులని ఠాగూర్‌ స్కూల్‌ కరస్పాండెంట్‌ బండారు సాయి కుమార్‌ అన్నారు. గురువారం రంగారెడ్డి నగర్‌ డివిజన్‌ గాంధీనగర్‌లో గల ఠాగూర్‌ పాఠశాలలో గ్రాడ్యుయేషన్‌ డే నిర్వహించి చిన్నారులకు సర్టిఫికెట్లు ప్రదానం చేశారు. విద్యార్థులు చిన్ననాటి నుంచే క్రమశిక్షణతో పట్టుదలతో చదివితే ఉన్నత శిఖరాలను అధిరోహించడం ఖాయమన్నారు. ఉపాధ్యాయులు ఎంతో శ్రద్ధ తీసుకుంటారో తల్లిదండ్రులు కూడా అంతే శ్రద్ధ తీసుకోవాలని, చిన్నారుల మనోభావాలకు అనుగుణంగా వారిని ప్రోత్సహిస్తే అనుకున్న గమ్యాన్ని చేరుతారన్నారు. కార్యక్రమంలో పాఠశాల డైరెక్టర్‌ బండారు పూజ, ఉపాధ్యాయులు చైతన్య, జై కుమార్‌, జైబర్దన్‌, భారతి, సరళ, చైతన్య, మగ్దూం, పాల్గొన్నారు.