- డిప్యూటీ స్పీకర్‌ తీగుల్ల పద్మారావు గౌడ్‌ ొస్పోర్ట్స్‌ మెటీరియల్స్‌ పంపిణీ
నవతెలంగాణ-ఓయూ
ఔత్సాహిక క్రీడాకారులను ప్రోత్సహించేందుకు ప్రత్యేక చర్యలు తీసుకుంటున్నామని డిప్యూటీ స్పీకర్‌ తీగుల్ల పద్మారావు గౌడ్‌ అన్నారు. మంగళవారం సీతాఫల్‌మండీలోని తన క్యాంపు కార్యాలయంలో సికింద్రాబాద్‌ నియోజకవర్గం అడ్డగుట్ట, మెట్టుగూడ, తార్నాక, సీతాఫల్‌మండీ, బౌద్ధనగర్‌ డివిజన్లకు చెందిన క్రీడాకారులకు స్పోర్ట్స్‌ మెటీరియల్స్‌ పంపిణీ చేశారు. ఈ సందర్భంగా పద్మారావు గౌడ్‌ మాట్లాడుతూ నియోజకవర్గంలో క్రీడా మైదానాలను తీర్చిదిద్దేలా ప్రత్యేక చర్యలు తీసుకోవాలని అధికారులకు సూచించారు. వివిధ ప్రదేశాల్లో ఓపెన్‌ జిమ్‌లను నెలకొల్పడంతో పాటు ఆయా సంఘాలను ప్రోత్సహించేందుకు జిమ్‌ సామగ్రిని అందించాలన్నారు. కార్యక్రమంలో కార్పొరేటర్లు రాసురి సునీత, లింగాని ప్రసన్న లక్ష్మి శ్రీనివాస్‌, కంది శైలజ, స్పోర్ట్స్‌ ఇన్‌స్పెక్టర్‌ శ్రీనివాస్‌ గౌడ్‌, కుమార్‌, యువ నాయకుడు రామేశ్వర్‌ గౌడ్‌ పాల్గొన్నారు.
