నవతెలంగాణ-కాప్రా
నేపాల్‌లో జరిగిన అంతర్జాతీయ కరాటే పోటీల్లో గోల్డ్‌ మెడల్‌ సాధించిన కురునెల్లి సలోమిని జై-జవాన్‌ కాలనీ అసోసియేషన్‌, వికలాంగుల హక్కుల జాతీయ వేదిక ఏఎస్‌రావునగర్‌ డివిజన్‌ కమిటీ సంయుక్త ఆధ్వర్యంలో గురువారం ఘనంగా సన్మానించారు. డివిజన్‌ కార్పొరేటర్‌ శిరీష సోమశేఖర్‌ రెడ్డి హాజరై మాట్లాడుతూ సలోమి మరిన్ని బంగారు పతకాలను సాధించాలని, దేశానికి, రాష్ట్రానికి మంచి పేరు తీసుకురావాలని ఆకాంక్షించారు. జై జవాన్‌ కాలనీ అసోసియేషన్‌ వారు తమ వంతుగా సలోమికి రూ. 11 వేలు అందజేశారు. కార్యక్రమంలో సీపీఐ(ఎం) జిల్లా కమిటీ సభ్యులు వెంకట్‌, ఎన్‌పీఆర్‌డీ రాష్ట్ర మహిళా కన్వీనర్‌ కె నాగలక్ష్మి, జీఆర్‌.రెడ్డి నగర్ అధ్యక్షులు అల్లూరయ్య, జై జవాన్‌ కాలనీ అధ్యక్ష కార్యదర్శులు తిరుమలయ్య, కరీం, నారాయణ, మల్లికార్జున్‌, వెంకటేశ్వర్లు, సలీం, ప్రసాదరావు, మహమ్మద్‌ షఫీ, షైన్‌ బేగం, అమరావతి, నవ్య, కవిత, హారిక, శేఖర్‌, ప్రేమ్‌, ఇయ్యల్‌ రెడ్డి, చంద్ర పాల్గొన్నారు.
