- వర్ధంతి సభలో సీఐటీయూ
- రాష్ట్ర నాయకులు పాలడుగు సుధాకర్‌
నవతెలంగాణ-ధూల్‌పేట్‌
పేదల అభ్యున్నతి కోసం కషిచేసిన మహానీయుడు పుచ్చలపల్లి సుందరయ్య అని సీఐటీయూ రాష్ట్ర నాయకులు పాలడుగు సుధాకర్‌ అన్నారు. శుక్రవారం గౌలిగూడ చమన్‌ లేబర్‌ అడ్డా వద్ద సుందరయ్య 37వ వర్ధంతి సభ నిర్వహించారు. హైదరబాద్‌ సౌత్‌ జిల్లా కార్యదర్శి పి.నాగేశ్వర్‌, గౌలిగూడ కమిటీ అధ్యక్ష, కార్యదర్శులు బి గంగపురి, ఎన్‌. వెంకటేష్‌, కోశాధికారి కె. వెంకటేష్‌, గౌరవాధ్యక్షులు టి.ఆంజనేయులు, కోటయ్య, మహిళ నాయకులు భాగ్యమ్మ లతో కలిసి సుందరయ్య చిత్రపటానికి నివాళి అర్పించారు. ఈ సందర్భంగా పాలడుగు సుధాకర్‌ మాట్లాడుతూ సుందరయ్య భూస్వామ్య కుటుంబంలో పుట్టినప్పటికీ దళితుల పట్ల అంటరానితనానికి వ్యతిరేకంగా పోరాడారని అన్నారు. తెలంగాణ సాయుధ పోరాటానికి నాయకత్వం వహించి కమ్యూనిస్ట్‌ ఉద్యమాన్ని సరైన దిశలో నడిపించారు అని గుర్తు చేశారు. పేద ప్రజల అభ్యున్నతి కోసం జీవితాంతం నిస్వార్ధంగా కషిచేసిన మహానాయకుడు అని కొనియాడారు. ఆయన జీవితాన్ని ఆదర్శంగా తీసుకొని ప్రజా ఉద్యమాలు చేయాలన్న్షారు. కార్యక్రమంలో సీఐటీయూ గౌలిగూడ లేబర్‌ అడ్డా భవన నిర్మాణ కార్మికులు, నాయకులు తదితరులు పాల్గొన్నారు.
