నవతెలంగాణ-దుండిగల్‌
           నేడు పరీక్ష రాయబోతున్న పదవ తరగతి విద్యార్థులు భయాన్ని జయిస్తే విజయాలు సొంతం చేసుకోవచ్చని వివేకానంద విద్యా మందిర్‌ పాఠశాల ప్రధానోపాధ్యా యులు మండవ శ్రీనివాస్‌ గౌడ్‌ తెలిపారు. సుభాష్‌ నగర్‌ డివిజన్‌ పరిధిలోని వివేకానంద విద్యా మందిర్‌ హై స్కూల్‌లో ఆదివారం పదో తరగతి పబ్లిక్‌ పరీక్షలకు సిద్ధమవుతున్న విద్యార్థిని విద్యార్థులకు పాఠశాల ప్రధానో పాధ్యాయులు పరీక్ష సామాగ్రి అందజేశారు. ఈ సందర్భంగా విద్యార్థులకు ఉద్దేశించి మాట్లాడుతూ విద్యార్థులు తమలో ఉన్న భయాన్ని వదిలేసి, ఇష్టంతో చదివితే విజయాలు సొంతం చేసుకోవచ్చున్నారు. పరీక్షలకు ఎలా సన్నద్ధం కావాలో, సమయాన్ని ఎలా సద్వినియోగం చేసుకోవాలో ప్రణాళికలతో విద్యార్థులకు వివరించారు. ఈ కార్యక్రమంలో కరస్పాండెంట్‌ సునీత, ఉపాధ్యాయులు, విద్యార్థులు పాల్గొన్నారు.