- 3వ వార్డు అధ్యక్షునిగా నీరుడి ప్రేమ్‌ దాస్‌
నవతెలంగాణ-మేడ్చల్‌
మేడ్చల్‌లోని రాష్ట్ర సామాన్య ప్రజా పార్టీ ప్రధాన కార్యాలయంలో పార్టీ వ్యవస్థాపక అధ్యక్షులు జాకట శ్రీనివాస్‌ మేడ్చల్‌ మున్సిపాలిటీ 3వ వార్డు అధ్యక్షునిగా నీరుడి ప్రేమ్‌ దాస్‌, 2వ వార్డు మైనార్టీ విభాగం అధ్యక్షునిగా ఎస్కే సుల్తాన్‌ని నియమించారు. అనంతరం జాకట శ్రీనివాస్‌ మాట్లాడుతూ నూతనంగా అధ్యక్షులుగా నియమితులైన వారిని అభినందిస్తున్నట్టు తెలిపారు. సామాన్య ప్రజల సంక్షేమం కోసం క్షేత్రస్థాయిలో పని చేయాల్సిందిగా కోరారు. మేడ్చల్‌ మున్సిపాలిటీ 2, 3వ వార్డుల్లోని అన్ని విభాగాల కమిటీలు ఏర్పాటు చేయాలనీ, సామాన్య ప్రజలకు అండగా ఉండాలనీ, ఆర్‌ఎస్పీ బలోపేతానికి సామాన్య ప్రజల రాజ్యాధికారానికి కృషి చేయాలని నూతన అధ్యక్షులకు సూచించారు. నీరుడు ప్రేమ్‌ దాస్‌, ఎస్కే సుల్తాన్‌ మాట్లాడుతూ తమకు ఈ అవకాశం ఇచ్చిన పార్టీ అధ్యక్షుడు జాకట శ్రీనివాస్‌, సహకరించిన మేడ్చల్‌ మున్సిపాలిటీ అధ్యక్షులు బాబు రాజ్‌కు హృదయపూర్వక ధన్యవాదాలు తెలిపారు. పార్టీ బలోపేతానికి సామాన్య ప్రజల సంక్షేమానికి తమ వంతు కృషి చేస్తామని తెలిపారు. ఈ కార్యక్రమంలో పార్టీ రాష్ట్ర కార్యదర్శి శ్రీకాంత్‌, మేడ్చల్‌ జిల్లా అధ్యక్షులు ప్రేమ్‌ దాస్‌, మేడ్చల్‌ మున్సిపాలిటీ అధ్యక్షుడు బాబు రాజ్‌, గజ్వేల్‌ నియోజకవర్గ ప్రచార కార్యదర్శి అనగాల రాములు, సీనియర్‌ నాయకులు కానుకుంట నరేష్‌, చర్లపల్లి కృష్ణ, చంద్రశేఖర్‌ గౌడ్‌, నీరుడి పద్మారావు పాల్గొన్నారు.
