నవతెలంగాణ-కల్చరల్‌
శ్రీ ఆకాంక్ష చారిటబుల్‌ ట్రస్ట్‌, శ్రీ శృంగేరి శంకర మఠం నల్లకుంట సంయుక్త ఆధ్వర్యంలో శ్రీవాణి నృత్య నికేతన్‌ చిన్నారులచే కూచిపూడి నృత్య ప్రదర్శన భక్తి పూర్వకంగా నిర్వహించారు. శ్రీ విద్య, లాస్య, ముకుందా రాణి, స్వరూప, హత్విక్‌, మనస్విని, అక్షర, అమూల్య, హాసిని, గణేశ స్తుతి, అన్నమాచార్యాకీర్తన, జతి స్వరం, తిల్లన, బ్రహ్మాంజలి నత్యలను ప్రదర్శించారు. ఈ సందర్భంగా నిర్వహించిన సభా కార్యక్రమంలో ప్రముఖ విద్యావేత్త డా.లలిత వాణి, నాట్యాగురువు రమా వాణి సుందరి,కవి రఘుశ్రీ,సంస్థ వ్యవస్థాపకురాలు పాలపర్తి సంధ్యారాణి ప్రసంగించారు. చిన్నారులకు జ్ఞాపికలను సర్టిఫికెట్లు అందజేశారు. భారతీయ సంస్కతి సాంప్రదాయాలు మానసిక వికాసాన్ని, విజ్ఞాన వినోదాన్ని అందిస్తాయని వక్తలు అన్నారు. సంస్థ వ్యవస్థాపకులు పాలపర్తి సంధ్యారాణి, రఘుశ్రీ సభా సమన్వయం గావించారు.
