నవతెలంగాణ-సిటీబ్యూరో
తెలంగాణ రాష్ట్ర ఆవిర్భావ వేడుకలను పురస్కరించుకొని తెలంగాణ స్పోర్ట్స్‌ అథారిటీ చైర్మెన్‌ ఏ.వి.రెడ్డి ఆధ్వర్యంలో జూన్‌ 2 నుంచి లాల్‌ బహదూర్‌ స్టేడియంలో క్రికెట్‌ పోటీలు నిర్వహించనున్నారు. ఈ మేరకు అదివారం జూబ్లీహిల్స్‌ ఎమ్మెల్యే మాగంటి గోపీనాథ్‌, టీఎస్‌ఐఐసీ చైర్మెన్‌ గ్యాదరి బాలమల్లు, తెలంగాణ బేవరేజెస్‌ కార్పొరేషన్‌ చైర్మెన్‌ గజ్జెల నగేష్‌, టీఎన్జీవోస్‌ యూనియన్‌ హైదరాబాద్ జిల్లా అధ్యక్షులు ఎస్‌.ఎం.హుస్సేని(ముజీబ్‌), తెలంగాణ గెజిటెడ్‌ అధికారుల యూనియన్‌ కోశాధికారి రవీందర్‌ కుమార్‌, టీజీవో సిటీ అధ్యక్షులు ఎం.బీ.కృష్ణ యాదవ్‌ ఆధ్వర్యంలో క్రికెట్‌ పోటీల డ్రా, టీ-షర్ట్‌ ఆవిష్కరించారు. తొలి మ్యాచ్‌ టీఎన్జీవోస్‌ యూనియన్‌ హైదరాబాద్ జిల్లా, టీజీవో యూనియన్‌ మధ్య ఎల్బీ స్టేడియంలో ఉదయం 11గంటలకు జరగనుంది. ఈ క్రికెట్‌ పోటీలకు జిల్లాలోని ఉద్యోగులందరూ రావాలని వారు కోరారు.
