- ఎల్లయ్యకు అవార్డు అందజేస్తున్న వైద్య, ఆరోగ్య శాఖ మంత్రి తన్నీరు హరీశ్‌రావు
నవతెలంగాణ-ముషీరాబాద్‌
కరోనా సమయంలో ప్రజల స్థితిగతులను వివరిస్తూ చైతన్యం చేసేలా మానవీయ కోణంలో కథనాలు రాసినందుకు గాను ఆర్‌ఎస్‌ఎన్‌ సేవా ఫౌండేషన్‌ ఆధ్వర్యంలో ఉత్తమ జర్నలిస్టు అవార్డును నవతెలంగాణ బోడుప్పల్‌ రిపోర్టర్‌, మేడిపల్లి మండల ప్రెస్‌ క్లబ్‌ ప్రధాన కార్యదర్శి కల్కూరి ఎల్లయ్య అందుకున్నారు. సోమవారం సుందరయ్య విజ్ఞాన కేంద్రంలో జరిగిన అవార్డుల ప్రదానోత్సవంలో మంత్రి తన్నీరు హరీశ్‌రావు ఆయనకు అవార్డు అందజేశారు. కార్యక్రమంలో ఆర్‌ఎస్‌ఎన్‌ సేవా ఫౌండేషన్‌ వ్యవస్థాపకులు, మజీ ఎమ్మెల్సీ, టీఎస్పీఎస్సీ సభ్యులు అర్‌.సత్యనారాయణ, సీనియర్‌ సంపాదకులు సీ.రామచంద్ర మూర్తి, ఐజేయూ జాతీయ అధ్యక్షుడు శ్రీనివాస్‌ రెడ్డి, ప్రముఖ కవి నందిని సిధారెడ్డి, దేవి ప్రసాద్‌, కారం రవీందర్‌ రెడ్డి, టీయూడబ్యూజే రాష్ట్ర ప్రధాన కార్యదర్శి విరహాత్‌ అలీ తదితరులు పాల్గొన్నారు.
