- పాల్గొన్న తెలంగాణ పోలీస్‌ హౌసింగ్‌ కార్పొరేషన్‌ చైర్మన్‌ కొలేటి దామోదర్‌ గుప్తా, హీరో సుమన్‌
నవతెలంగాణ-సిటీబ్యూరో
కస్టమర్లకు నమ్మకం కలిగిస్తూ తక్షణ సేవలు అందిస్తూ 24 ఏళ్ళ పాటు సహకార బ్యాంక్‌ కొనసాగడం అభినంద నీయమని తెలంగాణ పోలీస్‌ హౌసింగ్‌ కార్పొరేషన్‌ చైర్మెన్‌ కొలేటి దామోదర్‌ గుప్తా కొనియాడారు. ఎన్నో జాతీయ బ్యాంకుల మధ్య పోటీ పడుతూ తిరుమల కో-ఆపరేటివ్‌ బ్యాంకు మంచి పేరుతో మనుగడ సాగించి గుర్తింపు పొందడం ప్రశంసనీయం అని ఆయన అభినందించారు. శనివారం కాచిగూడ టూరిస్ట్‌ హోటల్‌లో తిరుమల సహకార బ్యాంక్‌ 24వ వార్షికోత్సవ వేడుకలు ఘనంగా జరిగాయి. ముఖ్య అతిథిగా విచ్చేసిన కొలేటి దామోదర్‌ ఆ బ్యాంక్‌ అభివృద్ధిలో గణనీయమైన పాత్ర పోషించిన చైర్మెన్‌ ఎన్‌.చంద్రశేఖర్‌తో పాటు కొందరు కస్టమర్లను సన్మానిం చారు. హీరో సుమన్‌ మాట్లాడుతూ అంకితభావంతో ఇన్నేళ్ల పాటు బ్యాంక్‌ కొనసాగించడం అద్భుతం అన్నారు. తిరుమల పేరు పెట్టుకోవడం సక్సెస్‌ అని చెప్పారు. సభాధ్యక్షత వహించిన బ్యాంక్‌ చైర్మెన్‌ ఎన్‌.చంద్రశేఖర్‌ మాట్లాడుతూ నిజాయితీతో సేవలు అందించి పేద, మధ్య తరగతి వారితోపాటు ఉన్నత వర్గాల వారిని ఆకట్టుకు న్నామని అన్నారు. వచ్చే ఏడాది వరకు రజతోత్సవ వేడుకలు జరుగుతాయని, ఈ సందర్భంగా తమ కస్టమర్లకు అనేక రకాల సౌకర్యాలు, రాయితీలు అందించనున్నట్లు ప్రకటించారు. ఈ వేడుకలో డాక్టర్‌ ఎం.ఎస్‌..శ్రీనివాస్‌, జస్టిస్‌ జి.గోపాలకష్ణ మూర్తి, అటవీ శాఖ పూర్వ ముఖ్య కంజెర్వేటర్‌ పి.మల్లికార్జునరావు, స్టాంజా కార్పొరేషన్‌ ఎండీ నీరజ్‌ లఖోటియా, సీనియర్‌ పాత్రికేయులు డాక్టర్‌ మహ్మద్‌ రఫీ, సిఇఓ వి.వి.శోభనాతో పాటు తదితరులు పాల్గొన్నారు. తొలుత నవరస గాయని ఆమని సారధ్యంలో సుభాష్‌, శ్రీనివాస్‌, అమత తదితరుల సినీ సంగీత విభావరి వీనుల విందు చేసింది. వందలాది బ్యాంక్‌ కస్టమర్లు కుటుంబ సభ్యులు పెద్ద ఎత్తున పాల్గొన్నారు.
