నవతెలంగాణ-కూకట్‌పల్లి
కుత్బల్లాపూర్‌ సర్కిల్‌ రంగారెడ్డినగర్‌ పరిధి మానస టూల్‌ టెక్ అదినేత, ఆత్మీయ భారతి సాహిత్య సేవా సంస్థ అధ్యక్షులు, అభినవ కవి, జాతీయ అవార్డు గ్రహిత వాకిటి రామ్‌ రెడ్డికి ఆదివారం నగరంలోని పొట్టి శ్రీరాములు తెలుగు విశ్వవిద్యాలయంలో పుడమి జాతీయ వేదిక అద్యక్షులు చిలుముల బాల్‌ రెడ్డి అద్యక్షతన జరిగిన కార్యక్రమములో శాసన మండలి చైర్మెన్‌ గుత్తా సుఖేందర్‌ రెడ్డి చేతుల మీదుగా జీవన సాఫల్య పురస్కారం అందుకున్నారు. ఈ సందర్బముగా వాకిటి రామ్‌ రెడ్డి మాట్లడుతూ లైఫ్‌ టైం అచీవ్‌మెంట్‌ అవార్డు అందుకో వడం జీవితంలో మరచిపోని రోజు అన్నారు. ఈ పురస్కా రం అమ్మకు అంకితమిస్తున్నానని తెలిపారు. తెలంగాణ సాహిత్యంలో మరింత పేరు గాంచాలని ప్రతిక్షణం తనను ప్రొత్సహించి, తన మీద మరింత బాధ్యత పెంచి జీవన సాఫల్య పురస్కారం అందించిన పుడమి జాతీయ అధ్యక్షులు చిలుముల బాల్‌ రెడ్డికి హృదయ పూర్వక ధన్యవాదాలు తెలిపారు. ఈ కార్యక్రమంలో ఎమ్మెల్సీ కాటేపల్లి జనార్థన్‌ రెడ్డి, పూల రవిందర్‌, గద్ధర్‌, నర్సిరెడ్డి, జాతీయ కవి పొద్దుటూరి ఏళ్ళ రెడ్డి పాల్గొన్నారు.
