- కూకట్‌పల్లి ఎమ్మెల్యే మాధవరం కృష్ణారావు
నవతెలంగాణ-కేపీహెచ్‌బీ
విద్యార్థులను ఉత్తమ పౌరులుగా తీర్చిదిద్దాలని కూకట్‌పల్లి ఎమ్మెల్యే మాధవరం కష్ణారావు అన్నారు. గురువారం అల్లాపూర్‌ డివిజన్‌ పరిధిలోని గాయత్రినగర్‌లో జెనెక్స్‌ పాఠశాలను కార్పొరేటర్‌ సబీహా గౌసుద్దీన్‌, మేడ్చల్‌ జిల్లా మైనారిటీ అధ్యక్షులు మహమ్మద్‌ గౌసుద్దీన్‌ లతో కలిసి ప్రారంభించారు. అనంతరం సున్నం చెరువు నుంచి దిగువగా ప్రవహిస్తున్న నాలా రిటైనింగ్‌ వాల్‌ పనులను డీఈ ఆనంద్‌, ప్రాజెక్ట్‌ డీఈ జాకీర్‌ లతో కలిసి పర్యవేక్షించారు. ఈ సందర్భంగా ఎమ్మెల్యే మాట్లాడుతూ నాలా రిటైనింగ్‌ వాల్‌ పనులను త్వరితగతిన పూర్తి చేయాలని అధికారులను ఆదేశించారు. కార్యక్రమంలో డివిజన్‌ అధ్యక్షులు లింగాల ఐలయ్య, కో ఆర్డినేటర్‌ వీరారెడ్డి, జనరల్‌ సెక్రటరీ పిల్లి తిరుపతి, మహిళా అధ్యక్షులు పార్వతమ్మ, సంక్షేమ సంఘం అధ్యక్షులు, అనుబంధ. ఏరియా కమిటీ సభ్యులు, వార్డు సభ్యులు, మహిళా కార్యకర్తలు తదితరులు పాల్గొన్నారు.
