నవతెలంగాణ-సిటీబ్యూరో
హైదరాబాద్ మాదాపూర్‌లోని స్టేట్‌ ఆర్ట్‌ గ్యాలరీలో ప్రముఖ చిత్రకారుడు భాస్కర్‌రావు చిత్రకళ ప్రదర్శన ఏర్పాటైంది. ఈ ప్రదర్శనను భారత్‌ బయోటెక్‌ ఎండీ సుచిత్ర ఎల్లా ప్రారంభించారు. ఈ కార్యక్రమంలో భారత్‌ బయోటెక్‌ ఎండీ సుచిత్ర ఎల్లా, ప్రముఖ చిత్రకారుడు లక్ష్మణ్‌గౌడ్‌, స్టేట్‌ ఆర్ట్‌ గ్యాలరీ డైరెక్టర్‌ లక్ష్మితో పాటు పలువురు చిత్రాకారులు పాల్గొన్ని భాస్కర్‌రావును అభినందించారు. వృక్షం పేరుతో భాస్కర్‌రావు ఏర్పాటు చేసిన చిత్రకళ ప్రదర్శనను ప్రారంభించడం చాలా ఆనందంగా ఉందని సుచిత్ర ఎల్లా అన్నారు. చిన్నప్పటి నుంచి పెయింటింగ్‌ అంటే చాలా ఇష్టమని పేర్కొన్నారు. ఆరోగ్యంపై ప్రతి ఒక్కరు శ్రద్ధ చూపాలని ఆమె సూచించారు. వ్యాక్సిన్‌ తెలియడం వలన చిన్నారులను, పెద్దలను కాపాడుకున్నామని తెలిపారు. ఇందులో వృక్షలపై వేసిన 75 చిత్రాలు చిత్రకళ ప్రియులను ఆకట్టుకుంటున్నాయి. ఈ ప్రదర్శన ఈనెల 19వ తేదీ వరకు కొనసాగుతుందని నిర్వహకులు తెలిపారు.
