- కార్పొరేటర్‌ బొమ్మకు సుగుణ బాలయ్య
నవతెలంగాణ-బోడుప్పల్‌
బోడుప్పల్‌ మున్సిపల్‌ కార్పొరేషన్‌ పరిధి 10వ డివిజన్‌లో ఎన్నికల సమయంలో ప్రజలకు ఇచ్చిన ప్రతి హామీని నిలబెట్టుకుంటామని కార్పొరేటర్‌ బొమ్మకు సుగుణ బాలయ్య అన్నారు. న్యూ హేమ నగర్ ప్రజలకు ఎన్నికలప్పుడు ఇచ్చిన వాగ్దానంలో భాగంగా శుక్రవారం సుమారు రూ.10 లక్షల సొంత నిధుల వ్యయంతో వినాయక మండపానికి మాజీ వార్డు సభ్యులు, టీఆర్‌ఎస్‌ సీనియర్‌ నాయకులు బొమ్మకు బాలయ్య, స్థానిక కార్పొరేటర్‌ బొమ్మకు సుగుణ బాలయ్యతో కలిసి శంకుస్థాపన చేశారు. కార్యక్రమంలో 22వ కార్పొరేటర్‌ మహేశ్వరి కృపా సాగర్‌ ముదిరాజ్‌, సీనియర్‌ నాయకులు కృపాసాగర్‌ ముదిరాజ్‌, కాలనీ అధ్యక్షులు ఓం ప్రకాష్‌, డివిజన్‌, కాలనీ కార్యదర్శి బైరబోయిన మల్లేశ్‌, వీరన్న చారి, మోహన్‌ రావు, రత్నయ్య, రాజేందర్‌, టీఆర్‌ఎస్‌ 10వ డివిజన్‌ అధ్యక్షుడు వెల్లంకి శ్రీనివాసరావు తదితరులు పాల్గొన్నారు.
