- బంజారాహిల్స్‌లోని కళాకృతి ఆర్ట్‌ గ్యాలరీలో అద్భుతమైన కళల సంగమం
- 8వ తేదీ వరకు కొనసాగింపు
నవతెలంగాణ-హైదరాబాద్
కళ, ఫ్యాషన్‌, కవితల ప్రత్యేక ప్రదర్శనను ''ఇన్నర్‌ కాళి'' పేరుతో ఈ నెల 6వ తేదీన బంజారాహిల్స్‌లోని కళాకృతి ఆర్ట్‌ గ్యాలరీలో జరగనుంది. ఈ వేదిక వద్ద వివిధ కళాత్మక చిత్రాలను ప్రదర్శించనున్నారు. ప్రముఖ కళాకారుడు, కవి వెంకట్‌ గడ్డంతో సృష్టించబడ్డాయి. ఎగ్జిబిషన్‌లో పెయింటింగ్‌, పోయెట్రీ, ఫ్యాషన్‌ల సమ్మేళనం ఉంటుంది. ప్రదర్శన థీమ్‌ మొత్తం మూడు కళారూపాల కలయికగా ఉంటుంది. కళాకృతి గ్యాలరీలో డిజిటల్‌ కోల్లెజ్‌లతో పాటు 36 యాక్రిలిక్‌ పెయింటింగ్స్‌ ప్రదర్శించబడతాయి. డబ్ల్యూజీ (వెన్‌కట్‌ గడ్డం) బ్రాండ్‌ ద్వారా వెంకట్‌ గడ్డం కాన్వాస్‌పై యాక్రిలిక్‌ పెయిం టింగ్‌లు, పేపర్ ఇలస్ట్రేషన్‌లపై పెన్ను, కుడ్య చిత్రాలు - వాల్‌ ఆర్ట్‌, కవిత్వం - ఒక్కో కవిత ఒక్కో పెయింటింగ్‌, డిజిటల్‌ కోల్లె జ్‌లు, ఫ్యాషన్‌ లైన్‌తో పాటు సాగుతుంది. అతను నోట్‌బు క్‌లు, కృతజ్ఞతా పత్రికలు, కుషన్‌లు మొదలైన వాటిని కూడా తయారు చేస్తున్నాడు. ఈ సందర్భంగా వెంకట్‌ గడ్డం మాట్లా డుతూ ''ప్రతి ఒక్కరికీ ఒక కథ ఉంటుందనీ, ప్రతి ఒక్కరి కథను చెప్పాలని భావిస్తున్నాను. అందుకే నా కళను, ప్రతిభను వివిధ భావోద్వేగాలను వ్యక్తీకరించేందుకు ఉపయోగిస్తున్నాను. మహిళల నుంచి స్ఫూర్తి పొందుతాను. పురాణాల నుంచి ప్రేరణ పొందాను. నేటి తరానికి కూడా చాలా సందర్భోచి తంగా పురాతన కథల ఆధారంగా కొన్ని నేపథ్యాలను రూపొం దించాను. నేను అండర్‌ గ్రాడ్యుయేషన్‌ కోసం న్యూయార్క్‌లోని పార్సన్స్‌, ది న్యూ స్కూల్‌ ఫర్‌ డిజైన్‌లో ఫైన్‌ ఆర్ట్‌ చదివాను. నా చివరి సెమిస్టర్‌లో థీసిస్‌ కోసం, నేను మూడు గోడలు, నేలను పెయింట్‌ చేశాను, నా కుడ్యచిత్రం ద్వారా గదికి ప్రత్యేక మైన రూపాన్ని సృష్టించాను. నా పేరును ఎలా ఉచ్చరించాలో వారికి అర్థం కానప్పుడు నేను నా కళ పేరు వెన్‌కట్‌ గాడ్‌డామ్‌ పేరుతో వచ్చాను. నేను దాన్ని చాలా పదాలుగా విడదీసి, నన్ను నేను వివరించడానికి ఒక చక్కని పదంగా చేశాను. తర్వా త నన్ను అదే పేరుతో పిలవడం మొదలుపెట్టాక, అది నాకు బ్రాండ్‌, గుర్తింపుగా మారింది. మూడు రోజుల ఈ ప్రదర్శన ఈ నెల 8వ తేదీ వరకు కొలువు తీరనుంది'' అని తెలిపారు.
