- వేలంపాటలో రూ.12లక్షలకు లడ్డును దక్కించుకున అందెల శిరీష సందీప్‌
నవతెలంగాణ-బడంగ్‌పేట్‌
మహేశ్వరం నియోజకవర్గం బడంగ్‌పేట్‌ మున్సిపల్‌ కార్పొరేషన్‌ వినాయక చవితి పండుగ సందర్భంగా ఏర్పాటు చేసిన గణేష్‌ నవరాత్రి ఉత్సవాలను గ్రామ ప్రజలు అంగరంగ వైభవంగా నిర్వహించారు. గ్రామ పెద్దలు సహకారంతో నవరాత్రి ఉత్సవాలు యువకులు ఘనంగా నిర్వహించారు. ఉదయం నుండే గ్రామంలో వివిధ కళాకారుల డప్పు వాయిద్యాలతో ఎంతో వైభవంగా ఊరేగింపు నిర్వహించారు. గత సంవత్సరం రూ.10లక్షల 50వేలు పలికిన లడ్డు ఈ సంవత్సరం రూ.12లక్షలకు వేలంపాటలో లెనిన్‌ నగర్‌కు చెందిన అందెల శిరీష సందీప్‌ దక్కించుకున్నారు. ఈ సందర్భంగా పలువురు మాట్లాడుతూ గణనాథుడి ఆశీస్సులతో ప్రజలంతా సుఖసంతోషాలతో జీవించాలని ప్రత్యేక పూజలు నిర్వహించారు. ఈ కార్యక్రమంలో శ్రీ వీరాంజనేయ భక్త సమాజం ఉత్సవ కమిటీ అధ్యక్షులు గట్టు మహిపాల్‌, ప్రజా ప్రతినిధులు బిమిడి స్వప్న జంగారెడ్డి, అర్జున్, పెద్దబావి శోభ ఆనంద్‌ రెడ్డి, శ్రీనివాస్‌ రెడ్డి, సుదర్శన్‌ రెడ్డి, లిక్కి మమత కష్ణారెడ్డి, బంగారు అనిత ప్రభాకర్‌, గౌర రమాదేవి శ్రీనివాస్‌, నాయకులు కర్రె బల్వంత్‌, సామ సంజీవ రెడ్డి, గుర్రం మల్లారెడ్డి, వెంకట్‌ రెడ్డి, పి.సమర సింహరెడ్డి, ఏ.బి.శ్రీనివాస్‌ రాజ్‌, పి.సంతోష్‌కుమార్‌, పి.నాగ నందీశ్వర్‌ రెడ్డి, వివిధ పార్టీల నాయకులు, మహిళలు తదితరులు పాల్గొన్నారు.
