నవతెలంగాణ-సరూర్‌నగర్‌
            ఆర్కేపురంలోని కుర్తాళం పీఠ విభాగశ్రీ ప్రత్యంగిరా పరమేశ్వరీదేవి శరన్నవరాత్రులు ఈనెల 26 నుండి ప్రారంభం అవుతాయని ఆలయ సెక్రెటరీ మునిపల్లె శ్రీనివాస్‌ తెలిపారు. కార్యక్రమాల కరపత్రాన్ని ఆవిష్కరించారు. మునిపల్లె శ్రీనివాస్‌ మాట్లాడుతూ ప్రతిరోజూ అమ్మవారికి ఉ.6.30 లకు విశేష 18 రకాల ద్రవ్యాలతో అభిషేకం తదుపరి హోమములు, ఉ.10.30లకు స్త్రీలచే కుంకుమార్చన, సా.6.00లకు భక్తి సంగీతం, రాత్రి 8.00లకు మహా నక్షత్ర హారతులు జరుగుతాయని తెలిపారు. అమ్మవారు ప్రతిరోజూ ప్రత్యేక అలంకరణలో దర్శనమిస్తారని తెలిపారు. భక్తులు విచ్చేసి అమ్మవారి అనుగ్రహం పొందగలరని కోరారు. కార్యక్రమంలో విట్టల్‌ శర్మ, అరుణ, సాయికుమార్‌ శర్మ, హేమ, మనోజ్‌ కుమార్‌, రామశర్మ తదితరులు పాల్గొన్నారు.