నవతెలంగాణ-అంబర్‌పేట
డ్రయినేజీ సమస్యలను పరిష్కరించేందుకు కృషి చేస్తున్నామని అంబర్‌పేట ఎమ్మెల్యే కాలేరు వెంకటేశ్‌ అన్నారు. గురువారం నల్లకుంట డివిజన్‌లోని భాగ్యనగర్‌ కాలనీలో రూ.3 లక్షలతో చేపడుతున్న డ్రయినేజీ పైపులైన్‌ నిర్మాణ పనులను కార్పొరేటర్‌ అమృతతో కలిసి ప్రారంభించారు. ఈ సందర్భంగా ఆయన మాట్లాడుతూ డ్రయినేజీ సమస్యల పరిష్కారానికి నూతన పైపులైన్‌ నిర్మాణం చేపడుతున్నామన్నారు. డ్రయినేజీ పైపులైన్‌ నిర్మాణ పనుల్లో నాణ్యత ప్రమాణాలు పాటిస్తూ త్వరితగతిన పూర్తి చేయాలని అధికారులను కోరారు. కార్యక్రమంలో టీఆర్‌ఎస్‌ నాయకులు, కార్యకర్తలు, కాలనీవాసులు పాల్గొన్నారు.
మీ స్నేహితులకు రికమెండ్ చెయ్యండి
