నవతెలంగాణ-మేడ్చల్‌ కలెక్టరేట్‌
ఫార్మా కంపెనీల్లో విద్యార్థులకు మంచి భవిష్యత్తు ఉందని కేజీఆర్‌ కళాశాల చైర్మన్‌ గోవింద్‌ రెడ్డి అన్నారు. మంగళవారం నాగారం మున్సిపాలిటీ రాంపల్లిలోని కాలేజీలో ప్రపంచ ఫార్మసిస్ట్‌ దినోత్సవ వేడుకలను నిర్వ హించారు. ఈ కార్యక్రమంలో ఐపీజీఏ అధ్యక్షులు కోటేశ్వ రరావు, కార్యదర్శి డాక్టర్‌ ప్రభాకర్‌ రెడ్డి, ఉస్మానియా విశ్వవిద్యాలయం డీన్‌ ఫ్యాకల్టీ ఆఫ్‌ ఫార్మసీ ప్రొఫెసర్‌ రమేష్‌, కేజీఆర్‌ కళాశాల చైర్మన్‌ గోవిందరెడ్డి, కళాశాల ఫార్మసీ ప్రిన్సిపాల్‌ డాక్టర్‌ జి విజరు కుమార్‌ ఫ్యాకల్టీ, విద్యార్థులు, ఇతర కళాశాల విద్యార్థులు హాజరయ్యారు. ఈ సందర్భంగా కోటేశ్వరరావు మాట్లాడుతూ ఫార్మసీ కోర్సు ప్రాధాన్యత గురించి వివరించారు. ప్రభాకర్‌ రెడ్డి మాట్లాడుతూ ఫార్మర్స్‌ కోర్సు అన్ని రంగాలతో పోలిస్తే ఎంత ముందుకు దూసుకుపోతుందో తెలియజేశారు. ఈ కార్యక్రమంలో అనురాగ్‌, పుల్లారెడ్డి, ఒమేగా, మదర్‌ థెరిసా, శ్రీ వెంకటేశ్వర కళాశాల ఉపాధ్యాయులు, విద్యార్థులు పాల్గొని భారీ ర్యాలీ నిర్వహించారు.
