నవతెలంగాణ-బంజారాహిల్స్‌
భారతదేశంలోనే మర్చంట్‌ అక్వైరింగ్‌ బిజినెస్ మార్కెట్‌లో అగ్రగామిగా ఉన్న అతి పెద్ద ప్రయివేట్‌ రంగ బ్యాంక్‌ హెచ్‌డీఎఫ్‌సీ అన్ని బ్యాంకింగ్‌, వ్యాపార పరిష్కారాల కోసం సరికొత్త కార్యక్రమానికి శ్రీకారం చుట్టింది. గురువారం బంజారాహిల్స్‌ రోడ్‌ నెంబర్‌ 1లోని తమ ప్రధాన కార్యాలయంలో స్మార్ట్‌ హబ్‌ వ్యాపార్‌ మర్చంట్‌ యాప్‌ను ప్రారంభించింది. ఈ సందర్భంగా ఏర్పాటు చేసిన మీడియా సమావేశంలో హెచ్‌డీఎఫ్‌సీ బ్యాంక్‌ చీఫ్‌ డిజిటల్‌ ఆఫీసర్‌ అంజని రాథోడ్‌, బ్యాంక్‌ ఇన్ఫర్మేషన్‌ ఆఫీసర్‌ రమేష్‌ లక్ష్మీనారాయణ యాప్‌ పనితీరును వివరించారు. ఈయాప్‌ను మింటుక్‌ ఇన్నోవేషన్‌ ఇండియా ప్రయివేట్‌ లిమిటెడ్‌ భాగస్వామ్యంతో అభివృద్ధి చేశామని తెలిపారు. బ్యాంకులు తమ వ్యాపారులతో కనెక్ట్‌ అయ్యేందుకు, మ్యాడ్జిలర్‌ ఉత్పత్తిని అందించే వ్యాపారి సాస్‌ ప్లాట్‌ఫాం అని అన్నారు. స్మార్ట్‌ హబ్‌ వ్యాపార్‌ యాప్‌ వ్యాపార కార్యకలాపాల సామర్థాన్ని మెరుగుపరుస్తుందన్నారు. చెల్లింపు సయోధ్య లక్షణాల పోస్ట్‌తో పాటు బ్యాంకు నుంచి రుణాలు, బ్యాంకింగ్‌ సేవల పూర్తి శక్తిని ఉపయోగించుకోవచ్చని చెప్పారు. వ్యాపారులు బ్యాంకింగ్‌, బ్యాంక్‌ రిలేషన్‌షిప్‌ మేనేజ్మెంట్‌ టీం ద్వారా అందుబాటులో ఉన్న మద్దతుతో 24/7 వ్యాపార లావాదేవీలు జరుపుకుంటారని వివరించారు.
