- కీసర అర్డీవో రవి
నవతెలంగాణ-బోడుప్పల్‌
           18 సంవత్సరాలు నిండిన వయోజనులందరూ ఓటు హక్కును నమోదు చేసుకోవాలని కీసర అర్డీవో రవి అన్నారు. ఆదివారం నాడు పీర్జాదిగూడ మున్సిపల్‌ కార్పొరేషన్‌ పరిధిలోని ఓటర్‌ నమోదు కార్యక్రమాన్ని పరిశీలించారు. ఈ సందర్భంగా అర్డీవో మాట్లాడుతూ అర్హులైన ప్రతి ఒక్కరూ తప్పకుండా ఓటు హక్కు నమోదు చేసుకోవాలని కోరారు.
           ఓటు హక్కును నమోదు చేసుకోవడానికి గాను కార్పొరేషన్‌ పరిధిలోని అన్ని డివిజన్లలో బీఎల్వో అధికారు లను ఏర్పాటు చేశామని అన్నారు. ఈ కార్యక్రమంలో పీర్జాదిగూడ కమిషనర్‌ డాక్టర్‌ రామకృష్ణ రావు, కార్పొరేటర్‌ కౌడే పోచన్న, తహసీల్దారు మహిపాల్‌ రెడ్డి, ఆర్‌ఐ సునీత తదితరులు పాల్గొన్నారు.