- ఇద్దరు దొంగల అరెస్టు
నవతెలంగాణ-బేగంపేట్‌
తాళాలు వేసిన ద్విచక్ర వాహనాలను లక్ష్యంగా చేసుకుని దొంగతనాలను పాల్పడుతున్న ఇద్దరు వ్యక్తులను తుకారం గేట్‌ పోలీసులు అరెస్టు చేసి రిమాండ్‌కు తరలించారు. నిందితుల నుంచి పది ద్విచక్ర వాహనాలను స్వాధీనం చేసుకున్నారు. సోమవారం ఏర్పాటుచేసిన విలేకరుల సమావేశంలో ఉత్తర మండల డీసీపీ చందన దీప్తి వివరాలు వెల్లడించారు. కామారెడ్డికి చెందిన రియాజుద్దీన్‌ అనే వ్యక్తి గల్ఫ్‌ దేశాల్లో పనిచేసేవాడని, కొన్నాళ్ల కిందట హైదరాబాద్ నగరానికి వచ్చాడు. ద్విచక్ర వాహనాలను దొంగిలించి సొమ్ము చేసుకోవాలన్న లక్ష్యంతో శ్రీనివాస్‌ గౌడ్‌ అనేతో కలిసి చోరీలకు పాల్పడ్డాడు. నగరంలోని మూడు కమిషనరేట్‌ ల పరిధిలో వివిధ ప్రాంతాల్లో నిలిపి ఉన్న ద్విచక్ర వాహనాల తాళాలను చాకచక్యంగా, నకిలీ తాళాలతో తొలగించి వాహనాలను తస్కరిస్తున్నట్లు పోలీసులు తెలిపారు. అడిషనల్‌ డీసీపీ గౌతమ్‌, ఏసీపీ సుధీర్‌, తుకారం గేట్‌ ఇన్‌స్పెక్టర్‌ ఆర్లప్ప, డీఐ ఆంజనేయులను డీసీపీ అభినందించారు.
