నవతెలంగాణ-మేడ్చల్‌ కలెక్టరేట్‌
కీసరగుట్ట శ్రీ రామలింగేశ్వర స్వామి ఆలయ నూతన చైర్మన్‌గా తటాకం రమేష్‌ శర్మ శుక్రవారం బాధ్య తలు స్వీకరించారు. ముందుగా ఆలయంలోని స్వామివా రిని రమేష్‌ శర్మ దంపతులు దర్శించుకుని అనంతరం మహా మండపంలో వేద పండితుల ఆశీర్వచనాలు అందించి ఆలయ అధికారులతో ప్రమాణం చేయించి బాధ్యతలు అప్పగించారు. ప్రమాణ స్వీకారోత్సవంలో మంత్రి మల్లారెడ్డి, ఆలయ చైర్మన్‌ రమేష్‌ శర్మను అభినందించి ఆలయ అభివృద్ధికి నిరంతరం కృషి చేయాలని పేర్కొన్నారు. వచ్చే కీసరగుట్ట జాతర బ్రహ్మౌత్సవాలను విజయవంతం చేయడానికి అందరిని కలుపుకుని పని చేయాలని తెలిపారు. అనంతరం వివిధ పార్టీల నాయకులు మండలంలోని ఆయా గ్రామాల ప్రజ లు పెద్ద రమేష్‌ శర్మను శాలువాలతో సన్మానించి అభినందనలు తెలిపారు. కార్యక్రమంలో కీసర ఎంపీపీ మల్లారపు ఇందిరా లక్ష్మీనారాయణ, కీసర సర్పంచ్‌ నాయ కపు మాధురి, ఉప సర్పంచ్‌ తటకం లక్ష్మణ్‌, ఆలయ ట్రస్ట్‌ బోర్డ్‌ సభ్యులు, కాంగ్రెస్‌ సీనియర్‌ నాయకులు తోటకూర జంగయ్య యాదవ్‌, సింగిరెడ్డి హరి వర్ధన్‌రెడ్డి, బీఆర్‌ఎస్‌ రాష్ట్ర నాయకులు నక్కా ప్రభాకర్‌గౌడ్‌, నాగారం, దమ్మాయిగూడ మున్సిపల్‌ చైర్మన్‌లు పాల్గొన్నారు.
