నవతెలంగాణ-జగద్గిరిగుట్ట
           తెలుగు ప్రజలు ముఖ్యంగా మహిళలు ఎంతో ఇష్టంగా నిర్వహించుకునే సంక్రాంతి పండుగకు ఎంతో విశిష్టత ఉందని రాజధాని హైస్కూల్‌ చైర్మె కరస్పాండెంట్‌ యాద నరేంద్ర అన్నారు. సంక్రాంతి పర్వదినాన్ని పురస్కరించుకొని శుక్రవారం జగద్గిరిగుట్ట పాపిరెడ్డి నగర్‌లోని రాజధాని హైస్కూల్‌లో సంక్రాంతి ముగ్గుల పోటీల సంబురాలు నిర్వహించారు. సంక్రాంతి విశిష్టతను తెలియపరిచే విధంగా పాఠశాలలో గొబ్బెమ్మలు, పతంగుల కేరింతలు, హరిదాసు కీర్తనలు, ముగ్గుల పోటీలు చూపరులను ఎంతో ఆకట్టుకున్నాయి. విజేతలుగా నిలిచిన వారికి పాఠశాల ప్రిన్సిపాల్‌ యాద రేణుకతో కలిసి బహుమతులు ప్రదానం చేశారు. ఉపాధ్యాయులు, విద్యార్థుల తల్లిదండ్రులు పాల్గొన్నారు. అనంతరం సంక్రాంతి శుభాకాంక్షలు తెలియజేశారు.