నవతెలంగాణ-అబ్దుల్లాపూర్‌మెట్‌
మండలంలోని కుత్బుల్లాపూర్‌ గ్రామంలో మంగళవారం పశువైద్యా ధికారి డాక్టర్‌ సిహెచ్‌ నరసింహారావు ఆధ్వర్యంలో గ్రామ పంచాయతీ సర్పంచ్‌ ముద్దం స్వరూప వీరస్వామి సమక్షంలో ఉచిత పశు వైద్య శిబిరం నిర్వహించారు. ఈ సందర్భంగా సర్పంచ్‌ ముద్ధం స్వరూప వీరస్వామి మాట్లాడుతూ పశు వైద్య అధికారుల నేతృత్వంలో జరిగిన ఉచిత వైద్య శిబిరంలో సుమారు 95 ఆవులు, గేదెలకు గర్భకోశ వ్యాధుల నివారణ చికిత్స చేశామని, అలాగే 45 దూడలకు నట్టల నివారణ మందులు పంపిణీ చేశామని తెలిపారు. ఈ కార్యక్రమంలో జిల్లా కోఆప్షన్‌ సభ్యులు అక్బర్‌ భాషా, స్థానిక ఎంపీటీసీ భీమగోని భాస్కర్‌గౌడ్‌, ఉపసర్పంచి దేవుని మంగా, పశువైద్య సిబ్బంది మురళీకృష్ణ, నాగేష్‌, భాగ్యమ్మ హేమలత, బి రాజు, వి ఆర్‌ కిషన్‌ బాబు, పాడి రైతులు గ్రామస్తులు తదితరులు పాల్గొన్నారు.
మీ స్నేహితులకు రికమెండ్ చెయ్యండి
