- బడంగ్‌పేట మాజీ వైస్‌ చైర్మెన్‌ చిగురింత నర్సింహ్మారెడ్డి
- 40 మంది యువకులు కాంగ్రెస్‌లో చేరిక
నవతెలంగాణ-బడంగ్‌ పేట్‌
మహేశ్వరం నియోజకవర్గంలో కాంగ్రెస్‌ పార్టీని బలోపేతం చేయడానికి ప్రతి ఒక్కరు సైనికుల్లా పనిచేయాలని బడంగ్‌పేట్‌ మున్సిపల్‌ మాజీ వైస్‌ చైర్మన్‌ చిగురింత నర్సింహ్మారెడ్డి అన్నారు. మంగళవారం మహేశ్వరం నియోజకవర్గ పరిధిలోని బడంగ్‌పేట్‌ మున్సిపల్‌ కార్పోరేషన్‌ పరిధిలో ఉన్న మల్లాపూర్‌, సుల్తాన్‌పూర్‌లోని బీఆర్‌ఎస్‌, బీజేపీల నుండి వరికుప్పల సురేష్‌ రాజ్‌, వరికుప్పల నరేష్‌ ఆధ్వర్యంలో సుమారు 40 యువకులు కాంగ్రెస్‌ పార్టీలో చేరారు. వారికి బడంగ్‌ పేట్‌ మున్సిపల్‌ కార్పొరేషన్‌ మాజీ వైస్‌ చైర్మన్‌ నియోజక వర్గ సీనియర్‌ నాయకులు చిగిరింత నర్సింహారెడ్డి, మున్సిపల్‌ కార్పొరేషన్‌ కాంగ్రెస్‌ పార్టీ అధ్యక్షులు పెద్దబావి వెంకట్‌రెడ్డి నియోజకవర్గ యూత్‌ కాంగ్రెస్‌ అధ్యక్షుడు బోయపల్లి రాఘవేందర్‌ రెడ్డిలు కండువా కప్పి కాంగ్రెస్‌లోకి ఆహ్వానించారు. ఈ సందర్భంగా వారు మాట్లాడుతూ కాంగ్రెస్‌ పార్టీ తప్ప పేదలకు అండగా ఉండే పార్టీ ఏది లేదన్నారు. గత కొద్ది రోజులుగా కాంగ్రెస్‌ పార్టీ నాయకులను ప్రలోభాలకు, భయబ్రాంతులకు గురిచేసి పార్టీలో చేర్చుకున్న యువకులు సైతం తిరిగి కాంగ్రెస్‌ పార్టీలో చేరారన్నారు. బీఆర్‌ఎస్‌, బీజేపీలు ప్రజలకు చేసేది ఏమిలేకపోయినా వారు ప్రచారాలకు మాత్రమే పరిమితమయ్యారని ఎద్దేవా చేశారు. ఈ కార్యక్రమంలో నాయకులు అఫ్జల్‌, ప్రవీణ్‌, రియసత్‌, వరికుప్పల సురేష్‌, వరికుప్పల నరేష్‌, వరికుప్పల మహేష్‌, శ్రీకాంత్‌ నాయక్‌, అట్లవత్‌ శ్రీను నాయక్‌, సేవల్‌ నాయక్‌, హుడావత్‌ రామచంద్రనాయక్‌, చంద్ర నాయక్‌, సత్య, గణేష్‌ యాదవ్‌, తరుణ్‌, శ్రీకాంత్‌, వంశీ, పండు, మురళి, అనిల్‌, సంజరు పాల్గొన్నారు.
