నవతెలంగాణ-అబ్దుల్లాపూర్‌ మెట్‌
అబ్దుల్లాపూర్‌మెట్‌ మండలం లష్కర్‌గూడ ఎంపీటీసీ సీక సాయికుమార్‌ గౌడ్‌ జన్మదిన వేడుకలను సుర్మాయిగూడలోని శ్రీఓంసాయి డెవలపర్స్‌ కార్యాలయంలో ఘనంగా నిర్వహించారు. ఈ సందర్భంగా ఎంపీటీసీ సీత సాయికుమార్‌గౌడ్‌ మాట్లాడుతూ తన పుట్టిన రోజును పురస్కరించుకొని అభిమానుల కొలాహాలం మధ్య సుర్మయిగూడలో ఓం సాయి డెవలపర్స్‌ నూతన కార్యాలయాన్ని ప్రారంభించామని తెలిపారు. ఇటీవల గండి చెర్వు గ్రామానికి చెందిన పూజారి నాగేష్‌ అకాల మరణంతో, అతని కుటుంబ సభ్యులైనా అతని భార్య మాధవికి మానవతా దృక్పథంతో రూ.50 వేల ఆర్ధిక సహాయం అందజేశామన్నారు. ఆర్థిక సహాయం చేసి వారి కుటుంబ సభ్యులకు చేయూతనందించడం సంతోషంగా ఉంద న్నారు. ఆర్థిక ఇబ్బందులు ఎదుర్కొంటున్న వారికి ఎంతోకొంత చేయూత అందించడంతో వారికి కొంతమేరకు ఆర్థిక ఇబ్బందుల నుంచి ఊరట లభిస్తుందని తెలిపారు. ఈ కార్యక్రమంలో ఎంపీపీ బుర్రరేఖ మహేందర్‌ గౌడ్‌, సర్పంచ్‌ కిరణ్‌ కుమార్‌ గౌడ్‌, ఎంపీటీసీ కేసెట్టి వెంకటేష్‌, కోఆప్షన్‌ సభ్యులు గౌస్‌ భాషా, బీఆర్‌ఎస్‌ నాయకులు పూజారి చక్రవర్తి, ఎం.దర్శన్‌ రెడ్డి, అల్లి బాలరాజ్‌ యాదవ్‌, సిద్దగోని చక్రపాణి గౌడ్‌, బీఆర్‌ఎస్వీ నాయకులు బంగారు శశి కుమార్‌, కొండల్‌, సుర్వి పోచయ్య, సురేష్‌ గౌడ్‌, చెరుకు వెంకటేష్‌ ,రమేష్‌, చాంద్‌ బాషా తదితరులు పాల్గొన్నారు.
