- లాజిస్టిక్స్‌ రంగంలోకి లక్ష్మీ నివాస్‌ డెవలపర్స్‌
నవతెలంగాణ-సిటీబ్యూరో
            భారతదేశవ్యాప్తంగా లక్ష్మి లాజిస్టిక్స్‌ పార్క్‌లను నెలకొల్పనున్నట్టు హైదరాబాద్‌కు చెందిన లక్ష్మీ నివాసం డెవలపర్స్‌ ప్రకటించింది. మొదటగా చిత్తూరు, సదాశివ పేట, లఖ్‌నవూలలో ప్రారంభం కానున్నాయి. వేర్‌హౌసింగ్‌, లాజిస్టిక్స్‌ రంగాల్లోకి ఈ బ్రాండ్‌ ప్రవేశాన్ని ఇది సూచి స్తోంది. లక్ష్మి లాజిస్టిక్స్‌ పార్క్‌ 30 ఎకరాల స్థలంలో 6.75 లక్షల చదరపు అడుగుల వేర్‌హౌసింగ్‌ స్పేస్‌ను నిర్మించనుంది. సుమారుగా రూ.150 కోట్ల పెట్టుబడితో నిర్మాణం కానుంది. ఆయా నగరాలు, పరిసరాల్లో ఇవి 1200 ఉపాధి అవకాశాలను అందించనున్నాయి. దేశవ్యాప్తంగా ఫ్లిప్‌కార్ట్‌, అమెజాన్‌, పీఅండ్‌జీ వంటి ప్రముఖ కంపెనీలు అన్నింటికీ లక్ష్మి లాజిస్టిక్స్‌ పార్క్‌ అనేది వన్‌ స్టాప్‌ షాప్‌ కానుంది. క్రమం తప్పని అదనపు ఆదాయం కోరుకునే వారి కోసం ఈ కంపెనీ పెట్టుబడి దారులకు అత్యుత్తమ ఆప్షన్‌ను కూడా అందిస్తోంది. రూ.5.24 లక్షల పెట్టుబడితో లాజిస్టిక్స్‌ పార్క్‌లో 40 చదరపు గజాల స్థలం కొనుగోలు చేసే వారికి పెట్టుబడిపై ప్రతిఫలం (ఆర్‌ఒఐ)గా 8-12 శాతం నెలవారీ అద్దె ఆదాయాన్ని అందిస్తోంది. ఈ సందర్భంగా లక్ష్మీ నివాసం డెవలపర్స్‌ చైర్మెన్‌, వ్యవస్థాపకులు రాజేంద్రప్రసాద్‌ సముందర్‌పల్లి మాట్లాడుతూ 'లక్ష్మి లాజిస్టిక్స్‌ పార్క్‌ను ప్రారంభిస్తున్నందుకు మేమెంతగానో సంతోషిస్తున్నాం. సాధారణ వ్యక్తులకు పెట్టుబడి రూపాలను ఈ వెంచర్‌ మార్చివేయనుంది. 2035 నాటికి ఒక మిలియన్‌ మిలియనీర్లను చేసేందుకు ఇది ఒక అడుగు దూరంలోనే ఉంది. ఇది అతిపెద్ద లాజిస్టిక్‌ స్పేసెస్‌లో ఒకటి కావాలని, మా కంపెనీలో సాధారణ వ్యక్తులు సైతం యజమానిగా ఉండాలనే ఆలోచనతో మేం నెలవారీ అద్దె ఆదాయాలను అందించడాన్ని ప్రారంభించాం. మా ప్రాపర్టీలు ఎంతో విలాసంగా ఉన్నప్పటికీ, ప్రతి ఒక్కరికీ అందుబాటు లోనూ ఉంటాయి. దీన్ని దేశవ్యాప్తంగా విస్తృతంగా ముందుకు తీసుకెళ్లనున్నాం' అని అన్నారు. ఉత్తరప్రదేశ్‌లోని లఖ్‌న వూలో మరో లాజిస్టిక్‌ పార్క్‌ ఏర్పాటు ద్వారా ఈ కంపెనీ దేశవ్యాప్తంగా కొన్ని ప్రాజెక్టులను తీసుకురానుంది. జైపూర్‌, వారణాసి, కాంబోడియా, చిక్‌మంగళూరులలో హోటల్స్‌, రిసార్ట్స్‌ వంటి ప్రణాళికలున్నాయి. ఇటీవలే ఇది యాదాద్రిలో 400-కీస్‌ ప్రాజెక్ట్‌ను చేపట్టింది. మొదటి దశలో 140 కీస్‌ను పూర్తి చేసింది. హైదరాబాద్‌లో రియల్‌ ఎస్టేట్‌ రంగం శరవేగంగా వృద్ధి చెందుతోంది. రియల్టర్లు అందరికీ ఇది ఒక రోల్‌ మోడల్‌ సిటీగా కూడా ఉంది. యువ మదుపరులు తక్కువ పరిమాణం డబ్బు వెచ్చింపుతో ఉండే చక్కటి క్రమం తప్పని ఆదాయ వనరు కోసం చూస్తున్నారు. ఐటీ, ప్రభుత్వ రంగాలు వంటి వాటితో పోలిస్తే, రియల్‌ ఎస్టేట్‌ ఎప్పటికీ విజయం అందించే సురక్షితమైన వనరుగా ఉంటుంది. సంపద సృష్టించేందుకు గొప్ప వనరుగా ఉంటుంది. లక్ష్మీనివాసం డెవలపర్స్‌ పరిశ్రమలో పదేండ్లుగా తన సేవలను అందిస్తోంది. మరింకెన్నో సేవలను అందించాలని భావిస్తోంది. సంస్థ ప్రాజెక్టులు రెండు తెలుగు రాష్ట్రాల నుంచి కూడా కస్టమర్లను ఆకర్షిస్తున్నాయి.