నవతెలంగాణ-తుర్కయంజాల్‌
తుర్కయంజాల్‌ మున్సిపాలిటీ కమ్మగూడలో బాల యేసు వార్షికోత్సవ వేడుకలు ఆదివారం ఘనంగా నిర్వహిం చారు. ఉదయం 6 గంటలకు సికింద్రాబాద్‌ బోయగూడ నుండి ప్రత్యేక వాహనంలో బాలయేసు ఉత్సవ విగ్రహాన్ని కమ్మగూడ బాలయేసు పుణ్యక్షేత్రంకు తీసుకువచ్చారు. ఉదయం 11గంటలకు ఆర్చి బిషప్‌ పూల అంథోని దివ్యబలి పూజ నిర్వహించారు. అనంతరం భక్తులకు బైబిల్‌ సందేశాన్ని అందించారు. స్థానిక బీఆర్‌ఎస్‌ నాయకులు పొలిశెట్టి ప్రేమకుమార్‌ ఆధ్వర్యంలో స్థానిక ఎమ్మెల్యే మంచిరెడ్డి కిషన్‌రెడ్డి బాలయేసు పుణ్యక్షేత్రంలో ప్రత్యేక పూజలు నిర్వహించారు. చర్చి ఫాదర్‌ యూ.జె చిన్నపు రెడ్డి ఎమ్మెల్యే మంచిరెడ్డికి ప్రత్యేక ఆశీర్వచనములు అందజేశారు. ఇబ్రహీంపట్నం ఆర్టీసీ డిపో వారు ప్రత్యేక బస్సులను నడిపారు. ఈ కార్యక్రమంలో డీసీసీబీ వైస్‌ చైర్మెన్‌ కొత్తకుర్మ సత్తయ్య, రైతు బందు జిల్లా చైర్మెన్‌ వంగేటి లక్ష్మరెడ్డి, గడ్డిఅన్నారం మార్కెట్‌ కమిటీ మాజీ అధ్యక్షుడు కందాడ ముత్యం రెడ్డి, సీనియర్‌ నాయకులు కందాడ లక్ష్మరెడ్డి, బ్యాంక డైరెక్టర్‌ సామ సంజీవరెడ్డి, కొంతం యాదిరెడ్డి, బీఆర్‌ఎస్‌ ఫ్లోర్‌ లీడర్‌ కల్యాణ్‌ నాయక్‌, బీఆర్‌ఎస్‌ మున్సిపల్‌ అధ్యక్షుడు వేముల అమరేందర్‌ రెడ్డి, బీఆర్‌ఎస్‌ అరెస్‌ నాయకులు బలదేవరెడ్డి, గుండ్ల రాజిరెడ్డి, పుల్లగుర్రం విజయానంద రెడ్డి, మోహన్‌ గుప్తా, రొక్కం ప్రభాకర్‌ రెడ్డి పాల్గొన్నారు.
