- చైర్మెన్‌ కొత్తకుర్మ సత్తయ్య
నవతెలంగాణ-తుర్కయాంజల్‌
          గడిచిన మూడేండ్లలో తుర్కయాంజల్‌ సహకార బ్యాంక్‌ గణనీయమైన అభివృద్ధి సాధించిందని డీసీసీబీ వైస్‌ చైర్మెన్‌, తుర్కయాంజల్‌ బ్యాంక్‌ చైర్మెన్‌ కొత్తకుర్మ సత్తయ్య అన్నారు. ఆదివారం బ్యాంక్‌లో తమ బాడీ ఎన్నికై మూడేళ్ళు పూర్తి చేసుకున్న సందర్భంగా కేక్‌ కట్‌ చేసి సంబరాలు జరుపుకున్నారు. ఈ సందర్భంగా ఆయన మాట్లాడుతూ మూడేళ్ళ కాలంలో దాదాపు పదకొండు కోట్లు అభివృద్ధి సాధించిందని తెలిపారు. బ్యాంకు నుండి 18 స్కూల్స్‌కు ఎల్‌ఈడీ టీవీ లను,రైతులకు600స్ప్రేయర్‌లను, 10 పవర్‌ వీడర్లను, 2 చాప్‌ కట్టర్‌లను, 802 టార్పాలిన్లను, వృద్దులకు కంటి పరీక్షలు నిర్వహించి, కళ్లద్దాలను అందజేసినట్లు ఆయన పేర్కొన్నారు.ఈ కార్యక్రమంలో వైస్‌ చైర్మెన్‌ రాంరెడ్డి, డైరెక్టర్లు చెక్క లక్ష్మమ్మ, సామ సంజీవరెడ్డి, కుతాడి నర్సింగరావు, వంగేటి లక్ష్మారెడ్డి, చాపల యాదగిరి, కొండ్రు స్వప్న, బ్యాంక్‌ మేనేజర్‌ రాందాస్‌ తదితరులు పాల్గొన్నారు.