- మంత్రి సబితా ఇంద్రారెడ్డి
నవతెలంగాణ - మీర్‌పేట్‌
మహనీయుల జీవితాలను ప్రతి ఒక్కరూ ఆదర్శంగా తీసుకోవాలని తెలంగాణ రాష్ట్ర విద్యాశాఖ మంత్రి సబితా ఇంద్రారెడ్డి అన్నారు. మీర్‌పేట్‌ మున్సిపల్‌ కార్పొరేషన్‌ పరిధిలోని సందే చెరువు కట్టపై ఛత్రపతి శివాజీ విగ్రహాన్ని ఆవిష్కరించారు. ఈ సందర్భంగా ఆమె మాట్లాడుతూ తమ జీవితాలను పణంగా పెట్టి ప్రజల అభ్యున్నతి కోసం పాటుపడిన మహనీయుల జీవితాలను ఆదర్శంగా తీసుకుని ముందుకెళ్లాలని అన్నారు. అనంతరం మీర్‌పేట్‌ ప్రభుత్వ ప్రాథమిక పాఠశాలలో జరుగుతున్న మన ఊరు - మనబడి జరుగుతున్న పనులను పరిశీలించి త్వరితగతిన పూర్తి చేయాలని అధికారులను ఆదేశించారు. ఈ కార్యక్రమంలో మీర్‌పేట్‌ మేయర్‌ దుర్గా దీప్‌లాల్‌ చౌహన్‌, డిప్యూటీ మేయర్‌ తీగల విక్రమ్‌ రెడ్డి, ప్లోర్‌ లీడర్‌ అర్కల భూపాల్‌ రెడ్డి, బీఆర్‌ఎస్‌ అధ్యక్షుడు అర్కల కామేష్‌ రెడ్డి, స్థానిక కార్పొరేటర్లు, కోఆప్షన్‌ సభ్యులు, వివిధ కాలనీలవాసులు పాల్గొన్నారు.
