నవతెలంగాణ-నాగోల్‌
నాగోల్‌ డివిజన్‌లో హౌలీ పర్వదినాన్ని పురస్కరిం చుకొని మంగళవారం హౌలీ వేడుకలను డివిజన్‌ ప్రజలు కన్నుల పండుగగా ఘనంగా నిర్వహించుకున్నారు. హౌలీ సందర్భంగా సోమవారం రాత్రి డివిజన్‌లోని వివిధ కాలనీలలోని ప్రధాన కూడళ్లలో కాలనీవాసులు కాముడి దహనాన్ని నిర్వహించారు. మంగళవారం నాగోల్‌ డివిజన్‌ కార్పొరేటర్‌ చింతల అరుణ సురేందర్‌ నాథ్‌ యాదవులు కాలనీవాసులు , జీహెచ్‌ఎంసి సిబ్బందితో కలిసి హౌలీ వేడుకలను జరుపుకున్నారు. ఈ సందర్భంగా ఒకరిపై ఒక రంగులను చల్లుకుంటూ హౌలీ శుభాకాంక్షలు తెలియ జేసుకున్నారు. కార్పొరేటర్‌ అరుణ సురేందర్‌ నాథ్‌ యాదవ్‌ మాట్లాడుతూ అన్ని రంగులు కలిసి అందమైన హరివిల్లు విరిసినట్టు సమాజంలో అన్ని వర్గాలు కలిస్తేనే అందమైన సమాజ నిర్మాణవుతుందని తెలియజేసే గొప్ప పండు గే ఈ హౌలీ పండుగ అని అన్నారు . ఈ రంగుల పండగ మీ జీవితాన్ని సప్తవర్ణ శోభితం చేయాలని ఆకాంక్షిస్తూ నాగోల్‌ డివిజన్‌ ప్రజలకు హౌలీ పర్వదిన శుభాకాంక్షలు తెలిపారు.
