నవతెలంగాణ - కూకట్‌పల్లి
ఈనెల 15వ తేదీ నుండి 21వ వరకు చండీగర్‌లోని పంజాబ్‌ యూనివర్సిటీలో జరిగే ఆల్‌ ఇండియా ఇంటర్ వర్సిటీ సాఫ్ట్‌ బాల్‌ మహిళల ఛాంపియన్షిప్‌ పోటీలలో పాల్గొనే, జేఎన్టీయూ జట్టులో కండ్లకోయలోని సీఎంఆర్‌ టెక్నికల్‌ క్యాంపస్‌ ఇంజినీరింగ్‌ కళాశాల నుండి, కూకట్‌పల్లి ఆల్విన్‌ కాలనీలో నివాసం ఉంటున్న గడ్డి రాజ్‌కుమార్‌ యాదవ్‌, సంధ్యారాణి దంపతుల ముద్దుల కూతురు గడ్డిభవ్యశ్రీ ఎంపికైనట్లుగా కళాశాల నిర్వాహకులు ప్రిన్సిపాల్‌ రాజిరెడ్డి అధికారికంగా ప్రకటించారు.
ఈ సందర్భంగా కళాశాల ప్రిన్సిపల్‌ మాట్లాడుతూ పిల్లల్లో చదువుతోపాటు మానసిక ఉల్లాసాన్ని శారీరక దృఢత్వాన్ని పెంపొందించడానికి క్రీడలు ఎంతగానో సహకరిస్తాయని ఆయన అభిప్రాయాన్ని వ్యక్తం చేశారు. ఈ సందర్భంగా భవ్యశ్రీ తల్లిదండ్రులు తమ పాప మరింత ఉన్నతమైన స్థాయికి ఎదగాలని కోరుతూ సంతోషాన్ని వ్యక్తం చేశారు. సీఎంఆర్‌ కళాశాల డీన్‌, అధ్యాపక బృందం, ఫిజికల్‌ డైరెక్టర్లు శ్రీధర్‌, యుగంధర్‌, తోటి మిత్రులు అభినందనలు తెలియజేశారు.
