- ఉప్పల్‌ ఎమ్మెల్యే బేతి సుభాష్‌రెడ్డి
నవతెలంగాణ-కాప్రా
విద్యార్థులు క్రమశిక్షణ కలిగి తల్లిదండ్రులను, పెద్దలను గౌరవించాలని ఉప్పల్‌ ఎమ్మెల్యే బేతి సుభాష్‌రెడ్డి అన్నారు. మీర్‌పేట్‌ హెచ్‌.బి కాలనీ డివిజన్‌ ఫేజ్‌ వన్‌ ప్లే గ్రౌండ్‌లో సెయింట్‌ జార్జ్‌ హై స్కూల్‌ వార్షికోత్సవం వేడుకలకు ముఖ్య అతిథిగా ఎమ్మెల్యే హాజరయ్యారు. ఈ సందర్భంగా ఎమ్మెల్యే మాట్లాడుతూ తెలంగాణ ప్రభుత్వం విద్యార్థుల శ్రేయస్సు కోసం కషి చేస్తుందన్నారు. అనంతరం విద్యార్థిని విద్యార్థులకు బహుమతులను ప్రదానం చేశారు.ఈ కార్యక్రమంలో సెయింట్‌ జార్జ్‌ హై స్కూల్‌ కరస్పాండెంట్‌ స్వరూప్‌ రెడ్డి, కార్పొరేటర్లు జేరి పోతుల ప్రభుదాస్‌, సతీష్‌ మేరు, జబర్దస్త్‌ కామెడీ షో కమెడియన్స్‌ భాస్కర్‌, నరేష్‌ , మహిళలు, విద్యార్థిని, విద్యార్థులు, వారి తల్లిదండ్రులు పాల్గొన్నారు.
మీ స్నేహితులకు రికమెండ్ చెయ్యండి
