నవతెలంగాణ-కోదాడరూరల్‌
కరాటే ఆత్మరక్షణకు ఆయుధమని ఎమ్మెల్యే బొల్లం మల్లయ్యయాదవ్‌ అన్నారు.ఆదివారం పట్టణంలోని పెరిక హాస్టల్‌ భవన్‌లో స్టూడెంట్స్‌ కొఫోకాన్‌ కరాటే క్లబ్‌ ఆధ్వర్యంలో నిర్వహించిన బెల్ట్‌లు,షీల్డ్‌ల ప్రదానోత్సంలో ఆయన మాట్లా డారు.విద్యార్థులకు బెల్ట్‌లు అందజేశారు.ప్రస్తుత పరిస్థితుల్లో ఆడపిల్లలకు సమాజంలో రక్షణ కరువైందన్నారు. తల్లిదండ్రులు తమ పిల్లలకు కరాటే నేర్పించాల్సిన ఆవశ్యకత ఎంతైనా ఉందన్నారు.కరాటేలో ఉత్తమశిక్షణ ఇస్తున్న స్టూడెంట్స్‌ కొఫోకాన్‌ కరాటే క్లబ్‌ ఇన్‌స్ట్రక్టర్‌ ఆరె .మాధవి అభినందనీయులన్నారు.కరాటేలో రాణించి కోదాడకు మంచిపేరు తేవాలన్నారు.ఈ కార్యక్రమంలో షన్‌సాయి ఛీఫ్‌ ఇన్‌స్ట్రక్టర్‌ వాసు,పెరిక హాస్టల్‌ అధ్యక్షులు బొలిశెట్టి కషయ్య, టీఆర్‌ఎస్‌ కోదాడ మండల అధ్యక్షులు కాసాని శ్రీనివాసరావు, పత్తిపాక జనార్ధన్‌, కోదాడ బులియన్‌ మర్చంట్‌ అధ్యక్షులు సుందరి వెంకటేశ్వర్లు,నవీన్‌ పాల్గొన్నారు.
