నవతెలంగాణ-చిలుకూరు
           ప్రతిఒక రైతూభూసారాన్ని పెంచుకోవాలని కోదాడ వ్యవసాయ సహాయ సంచాలకులు వాసు అన్నారు.శుక్రవారం మండల కేంద్రంలోని రైతువేదికలో జరిగిన సమీక్షా సమావేశంలో ఆయన మాట్లాడారు.భూసారాన్ని పెంచుకునే విధానం ఎరువుల పోషకాల విధానం, వరిలో నేరుగా వెదజల్లే పద్ధతి భూమిలో భూసారాన్ని కలిగించే బ్యాక్టీరియా వాడకంపై, జీలుగు లాంటి పచ్చిరొట్ట ఎరువుల పైరు పెంపకం వరి పంటలో విడతలవారీగా ఎరువుల వాడకంపై రైతులకు అవగాహన కల్పించారు.ఈ కార్యక్రమంలో మండల వ్యవసాయ అధికారి రాజు, వ్యవసాయ విస్తరణ అధికారి శిరీష, సర్పంచ్‌ కోడారు వెంకటేశ్వర్లు, రైతుసమన్వయ సమితి మండల అధ్యక్షులు దొడ్డ సురేష్‌,పీఏసీఎస్‌ చైర్మెన్‌ అలసకాని జనార్దన్‌, కస్తూరినర్సయ్య పాల్గొన్నారు.