- వర్థంతి సభలో మాజీ ఎమ్మెల్యే జూలకంటిరంగారెడ్డి
నవతెలంగాణ-మిర్యాలగూడ
               తెలంగాణ రైతాంగ సాయుధ పోరాటయోధులు కట్టెబోయిన రాములు ఆశయాలను సాధించాలని మాజీ ఎమ్మెల్యే,సీపీఐ(ఎం) రాష్ట్ర కార్యదర్శి వర్గ సభ్యులు జూలకంటి రంగారెడ్డి కోరారు.ఆదివారం నందిపాడు బైపాస్‌ వద్ద ఆయన స్థూపం వద్ద వర్థంతి సభ నిర్వహించారు.ఆయన చిత్రపటానికి పూలమాలలేసి నివాళులర్పించారు.ఈ సందర్భంగా ఆయన మాట్లాడుతూ తెలంగాణ సాయుధ రైతాంగ పోరాటంలో రాములు కీలకపాత్ర పోషించారన్నారు.పోరాటం బలోపేతం చేసేందుకు ఆయన ఎంతో శ్రమించారన్నారు.నిత్యం కార్యకర్తలకు అందుబాటులో ఉండి వారి సమస్యల పరిష్కారం కోసం కషి చేశారన్నారు.పార్టీ నిర్మాణానికి ఆయన చేసిన సేవలు మరువలేనిన్నారు.ఆయన ఆశయ సాధన కోసం కార్యకర్తలు కషి చేయాలని పిలుపునిచ్చారు.ఈ కార్యక్రమంలో రైతుసంఘం జిల్లా అధ్యక్షులు వీరేపల్లి వెంకటేశ్వర్లు, సీఐటీయూ జిల్లా నాయకులు డా.మల్లు గౌతమ్‌రెడ్డి, నూకల జగదీష్‌చంద్ర, రాగిరెడ్డి మంగారెడ్డి,రెమిడాల పరుశరాములు,అయ్యూబ్‌, దేశీరాంనాయక్‌, రాంచంద్రు, సత్యనారాయణరావు, వేములపల్లి వైస్‌ఎంపీపీ పాదూరి గోవర్థన, వరలక్మి, మాధవరెడ్డి,ఏసుబాబు, పాపారావు, వెంకట్‌రెడ్డి, జ్యోతి తదితరులు పాల్గొన్నారు.