- ప్రగతి స్కూల్లో ...
నవతెలంగాణ -చౌటుప్పల్‌ రూరల్‌
చౌటుప్పల్‌ మండలం ఎల్లంబావి గ్రామంలోని ప్రగతి స్కూల్లో విద్యార్థులు బతుకమ్మ ఉత్సవాలను ఘనంగా నిర్వహించారు. విద్యార్థులు రంగురంగు పూలను సేకరించి బతుకమ్మలను తయారు చేశారు. విద్యార్థులు ఉత్సాహంగా ఆడుతూ పాడుతూ బతుకమ్మ పాటలకు లయబద్ధంగా నృత్యం చేశారు. ఈ సందర్భంగా పాఠశాల ప్రధానోపాధ్యాయులు సయ్యద్‌ మాట్లాడుతూ తెలంగాణ సాంస్కృతి సాంప్రదాయాలను తెలియజేయడానికి బతుకమ్మ పండుగ సూచికగా నిలుస్తుందని అన్నారు. విద్యార్థినీ విద్యార్థులు తెలంగాణ సాంస్కృతి సాంప్రదాయాలను గౌరవించాలని తెలిపారు. ఈ కార్యక్రమంలో పాఠశాల వైస్‌ ప్రిన్సిపాల్‌ షబ్బీర్‌, ఉపాధ్యాయులు, విద్యార్థులు తదితరులు పాల్గొన్నారు.
భూదాన్‌ పోచంపల్లి : తెలంగాణ సంస్కృతి సంప్రదాయాలకు సంప్రదాయాలకు ప్రతీక అయినా బతుకమ్మ సంబరాలను శనివారం వివిధ పాఠశాలలో ఘనంగా నిర్వహించారు సరస్వతి విద్యా మందిరి శాంతినికేతన్‌ పాఠశాల ఉషోదయ గౌతమి కృష్ణవేణి లిటిల్‌ ఫ్లవర్‌ ప్రభుత్వ ప్రైవేటు పాఠశాలల విద్యార్థులు తీరక పువ్వులతో బతుకమ్మలను పేర్చి విద్యార్థులు ఉపాధ్యాయులు బతుకమ్మ బతుకమ్మ ఉయ్యాలో బంగారు బతుకమ్మ ఉయ్యాలో పాటలతోసంబరాలను నిర్వహించారు ఈ సందర్భంగా పాఠశాల ప్రధానోపాధ్యాయులు మాట్లాడుతూ తెలంగాణసంస్కృతికి నిదర్శంగా నిలుస్తుందన్నారు పండుగలు మన సంస్కృతిని తెలియజేస్తాయన్నారుఈ కార్యక్రమంలో ఆయా పాఠశాల ప్రధానోపాధ్యాయులు ఉపాధ్యాయులు విద్యార్థులు తదితరులు పాల్గొన్నారు
బీబీనగర్‌ : మండల పరిధిలోని అన్నంపట్ల గ్రామంలోని ప్రాథమిక ఉన్నత పాఠశాల ఆవరణలో పాఠశాల ప్రధానోపాధ్యాయులు ఏలుగు లింగయ్య ఆధ్వర్యంలో విద్యార్థులు చేత బతుకమ్మ పండుగ సంబరాలను శనివారం నాడు ఘనంగా నిర్వహించారు, ఈ సందర్భంగా విద్యార్థులు వివిధ రకాల పూలతో పేర్చిన బతుకమ్మలను పాఠశాల ఆవరణలో పెట్టి విద్యార్థులతో పాటు ఉపాధ్యాయురాళ్ళ ఆడి పాడి సంబరాలు నిర్వహించుకున్నారు, అనంతరం గ్రామ పరిధిలోని చిన్నేటి వాగు లో బతుకమ్మ నిమజ్జనం చేశారు. ఈ కార్యక్రమంలో పాఠశాల విద్యా కమిటీ చైర్మన్‌ కసుగోని ఎల్లా గౌడ్‌, ఉపాధ్యాయులు విజయలక్ష్మి, హారతి, విద్యార్థులు తల్లిదండ్రులు లత, నాగమణి, తదితరులు పాల్గొన్నారు.
మెమోరియల్‌ హైస్కూల్లో సంబరాలు
తుర్కపల్లి :మండల కేంద్రంలోని పడాల ముత్యాలు మెమోరియల్‌ హై స్కూల్‌ లో శనివారం బతుకమ్మ పండుగ సంబరాలను ఉపాధ్యాయులు ,విద్యార్థులు ఘనంగా నిర్వహించారు. పాఠశాల చైర్మెన్‌్‌ పడాల శ్రీనివాస్‌ అందరికీ బతుకమ్మ పండుగ శుభాకాంక్షలు తెలిపారు.ఈ కార్యక్రమంలో ప్రిన్సిపాల్‌ జంగిటి శ్రీనివాస్‌, ప్రధానోపాధ్యాయుడు నరసింహారెడ్డి, ఉపాధ్యాయిని, ఉపాధ్యాయులు, విద్యార్థులు పాల్గొన్నారు.
చౌటుప్పల్‌ : చౌటుప్పల్‌ మున్సిపల్‌ కేంద్రంలోని చందన స్కూల్లో శనివారం బతుకమ్మ సంబరాలను ఘనంగా నిర్వహించారు. పిల్లలు రంగురంగుల పూలతో బతుకమ్మలను అందంగా పేర్చి ఆడిపాడారు. ఈ కార్యక్రమంలో ఉపాధ్యాయురాళ్లు పద్మ, స్వప్న, నర్మద, నిర్మల, రేణుక, అర్చన, గీత, సౌమ్య, జగదీశ్వరి పాల్గొన్నారు.
ఇండియా మిషన్‌ హై స్కూల్లో. ..
భువనగిరిరూరల్‌ : జిల్లా కేంద్రంలోని ఇండియా మిషన్‌ హైస్కూల్లో బతుకమ్మ సంబరాలను శనివారం ఘనంగా నిర్వహించారు. ఈ సందర్భంగా పాఠశాల కరస్పాండెంట్‌ రెవ ఎస్‌ జూడ, ప్రిన్సిపల్‌ జార్జి జోసెఫ్‌ మాట్లాడుతూ తెలంగాణ సంస్కృతీ సాంప్రదాయాలను చాటే విధంగా పాఠశాలలో బతుకమ్మ ఉత్సవాలు నిర్వహించినట్టు తెలిపారు. ఈ కార్యక్రమంలో తొమ్మిదో తరగతి, పదవ తరగతి విద్యార్థులు ఉపాధ్యాయులు పాల్గొన్నారు.
