నవతెలంగాణ-చివ్వెంల
ఉపాధ్యాయులు సమాజ మార్గ నిర్దేశకులని ఎంపీపీ ధరావత్‌ కుమారిబాబునాయక్‌అన్నారు.శనివారం మండలకేంద్రంలోని జిల్లా పరిషత్‌ ఉన్నత పాఠశాలలో ఉపాధ్యాయ దినోత్సవాన్ని పురస్కరించుకొని మండలంలోని వివిధ పాఠశాలకు చెందిన ఉత్తమ ఉపాధ్యాయిని, ఉపాధ్యాయులుగా అవార్డు పొందిన వారిని ఘనంగా సన్మానించి జ్ఞాపికను అందించారు.ఈ సందర్భంగా ఎంపీపీ మాట్లాడుతూ ఉపాధ్యాయ రంగంలో విశిష్ట సేవలందించి ఉపాధ్యాయ దినోత్సవం రోజున ఉత్తమ ఉపాధ్యాయులుగా అవార్డు పొందిన ఉపాధ్యాయులను తోటి ఉపాధ్యాయులు సైతం ఆదర్శంగా తీసుకొని ఆదర్శంగా రాణించాలని తెలిపారు.విద్య ద్వారానే మానసిక,శారీరక వృద్ధి జరుగుతుందన్నారు.విద్యార్థులను ఉన్నతులుగా తీర్చిదిద్దేటువంటి ఏకైక వృత్తి ఉపాధ్యాయ వృత్తి అన్నారు.ఈ కార్యక్రమంలో ఎంపీడీఓ లక్ష్మీ, ఎంఈఓ గోపాల్‌రావు, కాంప్లెక్స్‌ ప్రధానోపాధ్యాయులు కళారాణి, శ్రీనివాస్‌, ప్రతాప్‌, అశోక్‌ పాల్గొన్నారు.
