- సీపీఐ(ఎం) జిల్లా కమిటీ సభ్యులు నెమ్మాది వెంకటేశ్వర్లు
నవతెలంగాణ-సూర్యాపేట
            తెలంగాణ సాయుధ పోరాట యోధురాలు చాకలి ఐలమ్మ ఆశయ సాధన కోసం పాటుపడాలని సీపీఐ(ఎం) జిల్లా కమిటీ సభ్యులు నెమ్మాది వెంకటేశ్వర్లు పిలుపునిచ్చారు. ఐలమ్మ జయంతిని పురస్కరించుకొని సోమవారం స్థానిక ఎంవీఎన్‌ భవనంలో జరిగిన కార్యక్రమంలో ఆమె చిత్రపటానికి పూలమాలవేసి జోహార్లర్పిం చారు.అనంతరం మాట్లా డారు. తెలంగాణ సాయుధ పోరాటంలో భూమి, భుక్తి, వెట్టి చాకిరి నుండి విముక్తి కోసం సాగిన పోరాటంలో ఐలమ్మ చేసిన త్యాగం మరువలేనిదన్నారు.ఈ కార్యక్రమంలో జిల్లా కమిటీ సభ్యులు కోటగోపి, ఎలుగూరి గోవిందు,వేల్పుల వెంకన్న, సీఐటీయూ టౌన్‌ కన్వీనర్‌ మామిడి సుందరయ్య ప్రజానాట్యమండలి జిల్లా నాయకులు నందిపాటి సతీష్‌ డివైఎఫ్‌ఐ నాయకులు నాగరాజు, సైదులు తదితరులు పాల్గొన్నారు.